اینگیلتره: ایرانین، انگیلیس دیپلوماتی گؤزآلتینا آلدیغینا دایر خبرلر اساسسیزدیر
تسنیم خبر آژانسی، بیر نئچه دیپلماتین، کرمان ایالتینده‌کی شهداد دوُز چؤلونده موشک سیناقلارینین ائدیلدیگی بیلدیریلن قاداغان اولونموش بؤلگه‌ده سپاه اوردوسو طرفیندن گؤزآلتینا آلیندیغینی آچیقلامیشدی
اینگیلتره خاریجی ایشلر باخانلیغی، تهران ائلچی یاردیمچیسی جیلس ویتاکرین ایران‌دا موشک سیناغینین ائدیلدیگی بیلدیریلن بؤلگه‌دن تورپاق نومونه‌سی توپلاماسی سببی ایله گؤز آلتینا آلیندیغی خبرلرینین "اساسسیز" اولدوغونو بیلدیردی.
باخانلیقدان بیر سؤزچو، ایران مطبوعاتین‌دا چیخان خبرله باغلی اسکای نیوزا وئردیگی آچیقلامادا،
"ایران‌دا بیر انگیلیس دیپلوماتین گؤزآلتینا آلیندیغینا دایر خبرلر تامامیله اساسسیزدیر" ایفاده‌سینی ایشلتدی.
تسنیم خبر آژانسی، وایتاکرله بانینداکی بیر نئچه دیپلماتین، کرمان ایالتینده‌کی شهداد دوُز چؤلونده موشک سیناقلارینین ائدیلدیگی بیلدیریلن قاداغان اولونموش بؤلگه‌ده تورپاق نومونه‌سی آلدیقلارینین معین ائدیلمه‌سیندن سونرا سپاه اوردوسو طرفیندن گؤزآلتینا آلیندیغینی آچیقلامیشدی.
وایتاکرین ایچینده اولدوغو ادعا ائدیله‌ن اتومبیلین سؤزوگئدن بؤلگه‌ده، سپاه اوردوسونا عاید اینسانسیز هاوا آراجی ایله گؤرونتولندیگی بیلدیریلمیشدی.
گؤرونتولر، ایران دؤولت تلویزیونو طرفیندن یاییملانارکن، ویتاکرین دیپورت ائدیله‌جگی ایفاده ائدیلمیشدی.
ایلگیلی‌لی خبرلر
اونروا غزه زولاغینین قوزئیینه اینسانی یاردیم گؤتوروب
اونروا آتیش‌کسین غزه خالقینین حیاتینی خیلاص ائتمک اوچون یگانه اومید اولدوغونو وورغولاییب
