استولتنبرگ: سوئد و فنلاند تۆرکیه‌نین قایغیلارینی نظره آلمالیدیر
استولتنبرگ، سوئد و فنلاندنین ناتو-یا عضولوک مراجعتلری ایله باغلی جمهورباشقانی رجب طیب اردوغانلا گؤروشدوگونو و اردوغانی ۲۸ ژوئنده مادریدده گئچیریله‌جک دؤردلو دیروه‌یه دعوت ائتدیگینی بیلدیردی
ناتونون باش کاتیبی ینس استولتنبرگ، ایسپانیانین باشکندی مادریدده یارین (۲۸ ژوئن) باشلایاجاق ناتو لیدئرلر ذیروه‌سی اؤنجه‌سی مطبوعات منسوبلارینین سواللارینی جاوالاندیرارکه‌ن،
"سوئد و فنلاند ناتویا عضولوکله باغلی تۆرکیه‌نین قایغیلارینی نظره آلمالیدیر" دئدی.
استولتنبرگ، سوئد و فنلاندنین ناتو-یا عضولوک مراجعتلری ایله باغلی جمهورباشقانی رجب طیب اردوغانلا گؤروشدوگونو و اردوغانی ۲۸ ژوئنده مادریدده گئچیریله‌جک دؤردلو دیروه‌یه دعوت ائتدیگینی بیلدیردی.
جمهورباشقانی اردوغان، فنلاند جمهورباشقانی ساولی نینیستو و سوئد باشباخانی ماگدالنا آندرسونون مادریدده گؤروشه‌جکلرینی بیلدیره‌ن استولتنبرگ،
"آماج، البته کی، فنلاند و سوئد مسئله‌سینده ایرلیله‌ییش الده ائتمکدیر. من هئچ بیر وعد وئرمه‌یه‌جه‌یه‌م، اما آرخایین اولون کی، ایرلیله‌ییش الده ائتمک اوچون فعال شکیلده ایشله‌ییریک. فنلاند و سوئدین ناتویا عضو اولماق اوچون مراجعت ائتمه‌سی تاریخی قراردیر. بو، ناتونو گوجله‌ندیره‌جک و یورو-آتلانتیک بؤلگه‌سینده ثابتلیگه قاتقی وئره‌جک. اونا گؤره ده مقصد ایرلیله‌ییش الده ائتمکدیر" ایفاده‌لرینی ایشلتدی.
استولتنبرگ، فنلاند و سوئدین ناتویا داخیل اولماسی اوچون چوخ چابا گؤستردیکلرینی آنجاق تۆرکیه‌نین گۆونلیکله باغلی قایغیلارینی دا نظره آلمالارینین اؤنمینی وورغولادی.
ایلگیلی‌لی خبرلر
"کووید-19" و میمون چیچگی ویروس‌لارینا یولوخان‌لارین ساییندا آرتیم اولوب
یولوخما سرعتی آرتان میمون چیچگی اپیدمیسینده دونیادا هفته‌لیک یولوخما‌لارین سایی 20 فایز آرتیب.
