پوتین قلوبال اقتصادی بحران‌دان چیخیش یولو تکلیف ائدیب

روسیا پرزیدنتی ولادیمیر پوتین بریجس اؤلکه‌لری‌نین 14-جو ایجلاسیندا ویدئوباغلانتی واسیطه‌سیله چیخیش ائدیب.

1847978
پوتین قلوبال اقتصادی بحران‌دان چیخیش یولو تکلیف ائدیب

روسیا پرزیدنتی ولادیمیر پوتین بریکس اؤلکه‌لری‌نین 14-جو ایجلاسیندا ویدئوباغلانتی واسیطه‌سیله چیخیش ائدیب.

روسیا پرزیدنتی ولادیمیر پوتین بریکس اؤلکه‌لری‌نین 14-جو ایجلاسیندا ویدئوباغلانتی واسیطه‌سیله ائتدیگی چیخیشیندا دئییب کی، باتی اؤز سهو‌لرینه گؤره بوتون دونیانی گوناهلان‌دیرماق اوچون اگویست جهدلری قلوبال اقتصادی بحرانا سبب اولوب.

بعضی دؤولت‌لرین دوشونولمه‌میش و اگویست حرکت‌لری اوجباتین‌دان قلوبال اقتصادیاتا تأثیر ائدن بو بحران‌لی وضعیت‌دن چیخیش یولونو یالنیز ویجدان‌لی و قارشی‌لیق‌لی فایدا‌لی امکداش‌لیق اساسیندا تاپماق مومکون‌دور.

روسیا لیدئری وورغولاییب کی، حکومتلر آراسی موناسیبت‌لرین حقیقتن چوخ قطب لو سیستمینی فورما‌لاش‌دیرماق، بیرلشدیریجی سیاست حاضیرلاماق اوچون بریکس اؤلکه‌لری‌نین رهبرلیگینه اوولکیندن داها چوخ احتیاج وار و بو، هامی‌لیقلا قبول ائدیلمیش نورما‌لارا اساسلانما‌لی‌دیر.

پوتین‌ین سؤزلرینه گؤره، بریکس اؤلکه‌لری‌نین (برزیلیا، روسیا، هیندوستان، چین و گونئی افریقا) حقیقتن ده بؤیوک سیاسی، اقتصادی، علمی، تکنولوژی و اینسان پتانسیلی وار.

پوتین بو اؤلکه‌لرین قلوبال آرئنادا نفوذونون ایلدن-ایله آرتدیغینی دقته چاتدیریب.

"روسیا بوتون [بریکس] طرفداش‌لاری ایله سیخ هرطرف‌لی قارشی‌لیق‌لی علاقه‌لری اینکیشاف ائتدیرمه‌یه و اولوسلار آراسی موناسیبت‌لرده‌کی رولونون اینکیشافینا تحفه وئرمه‌یه داوام ائتمه‌یه حاضیردیر"، - پوتین بیلدیریب.



ایلگیلی‌لی خبرلر