ترامپ: بایدن اؤلکه‌نی دونیا ساواشینا آپاریر
"من حاکمیتده اولسایدیم، اوکراینا ساواشی هئچ واخت باش وئرمزدی"
آمریکانین گئچمیش پرزیدنتی دونالد ترامپ، پرزیدنت جو بایدنین اولوسال اقتصادین ایچینی بوشالتدیغینی و اؤلکه‌نی اوکراینایا گؤره، "دونیا ساواشینا" آپاردیغینی سؤیله‌دی.
ترامپ، نیوزمکس سونوجوسو اریک بولینگه،
"اؤلکه‌میز چوخ چتین وضعیتده‌دیر. اؤلکه‌میز هئچ واخت بئله اولمادی. اوکراینادا و روسیادا باش وئره‌نلرله باغلی جدی تهلوکه آلتینداییق. اونلارین بو جور داورانماسی دونیا ساواشی ایله نتیجه‌لنه‌بیلر. اونلارین ائتدیکلری دلیلیکدیر. بو دلیلیکدیر" دئدی.
بایدنی، کیئوه ۱۰ میلیاردلارجا دولار دگرینده حربی یاردیم گؤندردیگینه گؤره تنقید ائد‌ن ترامپ، چاتیشمانی قیزیشدیرمانین "اوچونجو دونیا ساواشینا گتیریب چیخاراجاغینی" بیلدیردی.
ترامپ آیریجا، "من حاکمیتده اولسایدیم، اوکراینا ساواشی هئچ واخت باش وئرمزدی" سؤیله‌مینی تکرارلادی.
آمریکانین گئچمیش باشقانی، چاتیشمنین قارشی‌سینی نئجه آلاجاغینی آچیقلامادی آنجاق آمریکایا، اونون یؤنتیمی آلتیندا "سایغی دویولدوغونو" وورغولادی و یئنیدن سئچیلمه‌سیندن سونراکی بیر هفته عرضینده ایرانلا نوکلئر حرصلری قونوسوندا "آنلاشاجاغینی" دئدی.
ترامپ آیریجا، ۲۰۲۴.جو ایلده یئنیدن نامیزد اولماسینی انگلله‌یه‌جک هئچ بیر مانع اولمادیغینی دا سؤزلرینه علاوه ائتدی.
ایلگیلی‌لی خبرلر
سنگال-دا تورک حکیم‌لردن ایلک پیوند عضو
باتی افریقا-دا ایلک پیوند عضو سنگال-ین پایتاختی داکار-دا تورک حکیم‌لرله بیرگه حیاتا کئچیریلیب.
