واشینگتن‌دا تشکیل ائدیلن کنسرت قانلی بیتدی
قالابالیق بیر قروپون ایشتیراک ائتدیگی کنسرتده هله بیلینمه‌ین بیر سببله اینسانلار آراسیندا ووروشما اولدو
1845533
آمریکانین باشکندی واشینگتن‌دا بؤیوک بیر قالابالیغین قاتیلدیغی کونسرت‌ده چیخان ووروشمادا سلاحلا وورولان بیر نفر اؤلدو بیری پلیس اولماقلا ۳ نفر یارالاندی.
واشینگتن پلیس رئیسی روبرت کونته‌نین وئردیگی آچیقلامایا گؤره، قالابالیق بیر قروپون ایشتیراک ائتدیگی کنسرتده هله بیلینمه‌ین بیر سببله اینسانلار آراسیندا ووروشما اولدو.
ووروشمایا گیرن قروپلار آراسیندا کیملیگی آچیقلانمایان شخص و یا شخصلرین سلاحدان ایستیفاده ائتمه‌سی نتیجه‌سینده حادثه‌یه موداخیله ائد‌ن بیر پلیس ایله حادثه یئرینده اولان ۳ نفر وورولدو.
کونته، یارالیلاردان ۱۵ یاشنداکی بیر گنجین داها سونرا اؤلدوگونو، دیگر یارالیلارلا پلیسین ایسه خسته‌خانایا آپاریلدیغینی آچیقلادی.
پلیس رئیسی یارالیلارین وضعیتینین یاخشی اولدوغونو بیلدیریرکن، حادثه ایله باغلی آراشدیرمالارا باشلادیلدی.
