"۲۳۰ جسد سایدیم"

اتیوپی‌ده چوخو امهارا ائتنیک قروپونا عاید اولان ۲۰۰دن چوخ دینج وطنداش، کیملیگی بیلینمه‌ین شخصلر طرفیندن اؤلدورولدو.

اؤلکه‌نین اورتا-گونئی بؤلگه‌سینده یئرلشه‌ن اورومیادا، شنبه گونو، ایونون ۱۸ ژوئن جمعه ائرته‌سی گۆنو امهارا ائتنیک قروپونا قارشی سلاحلی سالدیری تشکیل ائدیلدی.

سالدیریدا ۲۰۰دن چوخ دینج وطنداش یاشامینی ایتیردی.

سالدیریدان ساغ قورتولان بؤلگه ساکینی عبدالسعید طاهر، "۲۳۰ جسد سایدیم و بلکه بو، دینج وطنداشلارا قارشی گؤردوگوموز ان اؤلومجول سالدیریدیر" دئدی.

طاهر، سالدیریدان سون آندا قورتولدوغونو و یئنی سالدیریلارین اولابیله‌جگیندن قورخدوقلارینی بیلدیردی.

سالدیرینین عصیانچی قروپ اورومو قورتولوش اوردوسو (اولا) طرفیندن حیاتا گئچیریلدیگی ادعا ائدیلدی.

اولا سؤزچوسو اودا تاربی ایسه اتهاملاری رد ائتدی.

اتیوپی اینسان حاقلاری کمیسیونو دا حکومتی بو جور سالدیریلارین قارشیسینی آلماق اوچون حل یولو تاپماغا چاغیردی.

۱۱۰ میلیوندان چوخ جمعیتی اولان اتیوپی‌ده ائتنیک قروپلار آراسیندا تئز-تئز چاتیشمالار اولور.