ناتو-دان اوکراینایا دستک

امریکا-نین رهبرلیک ائتدیگی اوکراینایا دستک تماس قروپونون ناتو-دا کئچیریلن ایجلاسیندا اوکراینایا دستک مئساژی وئریلیب.

1844486
ناتو-دان اوکراینایا دستک

امریکا-نین رهبرلیک ائتدیگی اوکراینایا دستک تماس قروپونون ناتو-دا کئچیریلن ایجلاسیندا اوکراینایا دستک مئساژی وئریلیب.

ناتو-دان وئریلن آچیقلامایا گؤره، دونن (15 ژوئن) باشلایان ناتو ساوونما ناظیرلری توپلانتی‌سی اؤنجه‌سی امریکانین ساوونما ناظیری لوید اوستی‌نین ائو صاحیب‌لیگی ایله ناتو قرارگاهیندا کئچیریلن توپلانتیدا 45 اؤلکه تمثیل اولونوب.

ناتو-نون باش کاتیبی ینس استولتنبرگ و اوکراینانین ساوونما ناظیری اولکسی رزنیکووون ایشتیراک ائتدیگی گؤروشده اوکراینانین عاجیل حربی مادی احتیاج‌لاری موذاکیره ائدیلیب.

ینس استولتنبرگ متفیق اؤلکه‌لرین اوکراینایا یئنی دستک بیاناتلاریندان‌ ممنون اولدوغونو، ناتو اؤلکه‌لری‌نین اوکراینایا آغیر سلاح‌لار و اوزاق منزیل‌لی سیستم‌لر ده داخیل اولماقلا، حربی ماتریال‌لار وئرمه‌یه داوام ائده‌جک‌لرینی بیلدیریب.

استولتنبرگ قئید ائدیب کی، 28-30 ژوئن تاریخ‌لرینده ایسپانیانین پایتاختی مادرید-ده کئچیریله‌جک ناتو ایجلاسیندا متفیق‌لر اوکراینایا هرطرف‌لی یاردیم پاکتی ایله باغلی راضیلیغا گله‌جک‌لر.

اوکراینایا دستک تماس قروپو اوکراینایا دستکی کووردیناسیون ائتمک اوچون بوندان اوول ایکی دفعه گؤروش کئچیریب.



ایلگیلی‌لی خبرلر