امریکانین اوکراینایا وئردیگی حربی دستکین حجمی آچیقلانیب

محاربه باشلایان‌دان بری امریکانین اوکراینایا وئردیگی حربی دستکین حجمی آچیقلانیب.

بو باره‌ده امریکانین اوکراینا‌داکی سفری‌لیگی‌نین "فیس بوک" صحیفه‌سینده بیلدیریلیب.

قئید اولونوب کی، روسیا اوکراینایا قارشی محاربه‌یه باشلادیغی مدت‌دن بری (24 فوریه) امریکا اوکراینایا تخمینن 4،6 میلیارد دو‌لار حربی یاردیم، او جمله‌دن 108 هویتزر، 26 500 جاولین و دیگر تانک علیهینه سیستم‌لر، 1400 استینگر راکتی، 220 مین توپخانا مرمیسی گؤندریب.

"پوتین اوکراینایا قارشی محاربه‌یه باشلایان‌دان بری پرزیدنت بایدن اوکراینایا 11 پاکت حربی دستک اعلان ائدیب و هر بیر یاردیم پاکتینده اوکراینا‌لی‌لارین اؤلکه‌نی مدافعه ائتمه‌سی اوچون لازیمی دستک وار"، امریکا سفیرلیگی بیلدیریب.

امریکا، علاوه اولا‌راق، اوکراینایا 50 میلیون مرمی، 75 مین دست زره و دبیلقه (کلاه ایمنی) ده وئریب.