فرانسا روسیا نفتینه آلترناتیو آختاریر

فرانسانین اقتصادیات ناظیری برونو لومر روسیا نفتینه آلترناتیو تاپماق اوچون بیرلشمیش عرب امیرلیک‌لری ایله دانیشیق‌لار آپاردیق‌لارینی آچیقلاییب.

CNews, Europe 1, Les Echos  بیرگه یاییمدا ایشتیراک ائدن برونو لومر روسیا گازی و نفتینه آلترناتیو آختاردیق‌لارینی و بیرلشمیش عرب امیرلیک لرینین ان آزی روسیا نفتینه موقتی آلترناتیو اولا بیله جگینی سؤیله‌ییب.

بیرلشمیش عرب امیرلیک لری ایله دانیشیق‌لار آرتیق باشلاییب، بیز روسیا نفتینه آلترناتیو تاپمالیییق"، برونو لومر بیلدیریب.

ناظیر لومر انرژی موستقیل‌لیگی سیاستینی روسیا پرزیدنتی ولادیمیر پوتینه قارشی مدافعه ائتدیک‌لرینی قئید ائدیب.

دیگر طرف‌دن، لومر اکولوژی کئچیدده یاتیریم لاری سرعتلندیره‌جک‌لرینی ایفاده ائده‌رک عمومی سئچکی‌لردن سونرا برپا اولونان انرژی ایله باغلی آددیم‌لارین سرعتلندیریلمه‌سینه ایمکان یارادا‌جاق قانونو موذاکیره‌یه چیخارا‌جاق‌لارینا دقت چکیب.

عینی مئدیا‌لارا فرق‌لی موصاحیبه‌ده دانیشان آوروپا بیرلیگی‌نین ایچ بازاردان مسئول کمیساری تیری برتون "(آوروپا بیرلیگی اؤلکه‌لری) مومکون قدر تئز زاماندا روسیا گازیندان خلاص اولما‌لی و موستقیل‌لیک‌لرینی برپا ائتمه‌لی‌دیرلر، چونکی پوتین آوروپانی سئومیر" ایفاده‌لردن ایستیفاده ائدیب.

برتون پوتین‌ین گازدان ایستیفاده ائده‌رک آوروپا‌لی‌لاری پارچالاماغا چالیشدیغینی دا ادعا ائدیب.

آوروپا بیرلیگی-نین روسیایا قارشی 6-جی تحریم لر پاکتینه بو ایلین سونونا کیمی روسیا‌دان نفت وارداتی‌‌نین 92 فایز آزالدیلماسی داخیل‌دیر.