بیرلشمیش میللتلر: اوکراینادا ان آز ۲ مین ۸۹۹ وطنداش اؤلدو
بیرلشمیش میللتلر سیغینماچیلار یوکسک کمیسرلیگیندن وئریله‌ن آچیقلامادا، اوکرایناداکی سیغینماچی بحرانینا باغلی معلوماتلار پایلاشیلدی
روسیا-اوکراینا ساواشیندا، اوکراینادا ان آز ۲ مین ۸۹۹ وطنداش حیاتینی ایتیردی، ۳ مین ۲۳۵ وطنداش یارالاندی، ۵ میلیون ۴۲۹ مین ۷۳۹ نفر ده قونشو اؤلکه‌لره گئچدی.
بیرلشمیش میللتلر سیغینماچیلار یوکسک کمیسرلیگیندن وئریله‌ن آچیقلامادا، اوکرایناداکی سیغینماچی بحرانینا باغلی معلوماتلار پایلاشیلدی.
بونا گؤره، ۲۴ فوریه-۲۸ آوریل دؤنمینده یاریدان چوخو لهستانا اولماق اوزره اوکراینادان ۵ میلیون ۴۲۹ مین ۷۳۹ نفر قونشو اؤلکه‌لره گئچدی.
لهستانا ۲ میلیون ۹۹۲ مین ۵۷۵، رومانییه ۸۱۰ مین ۲۱، روسیایا ۶۵۶ مین ۳۸۱، ماجاریستانا ۵۱۳ مین ۸۴۸، مولداویه ۴۴۱ مین ۴۳۷، اسلوواکییه ۳۶۷ مین ۹۰۴ و بلاروسا ۲۵ مین ۲ نفر گئچدی. دونتسک و لوهانسک بؤلگه‌لریندن ایسه ۱۸-۲۳ فوریه‌ده ۱۰۵ مین نفر روسیایا گئچدی.
بیرلشمیش میللتلره گؤره اوکراینا ایچینده یئریندن ائدیله‌ن وطنداشلارین ساییسی ایسه ۷،۷ میلیونا چیخدی.
بیرلشمیش میللتلر، ساواش باشلادیغیندا چاتیشمالارین آرتماسی حالیندا ۴ میلیون سیغینماچینین اؤلکه‌نی ترک ائدجگینی اؤن‌گؤرموش، ۲۶ آوریلده بو رقمی ۸،۳ میلیون اولاراق گونجلله‌میشدی.
ایلگیلی‌لی خبرلر
پاریسده عرقچیلیک و ایسلام دوشمنلیگینه قارشی اعتیراض کئچیریلیب
بوندان علاوه، 2023-جو ایلین یاییندا پولیس زوراکیلیغی نتیجه‌سینده اؤلن گنج ده تظاهراتدا آنیلیب
