لاین: روسیانین سالدیریسی آوروپانین گوونلیگینه بیرباشا تهدیددیر
"سوچسوز مولکی وطنداشلاری هدف آلماق و اؤلدورمک، گوج یولو ایله سرحدلری دییشدیرمک، اؤزگور خالقین ایراده‌سینی کنترل آلتینا آلماق بیرلشمیش میللتلر تشکیلاتینین اساس پرینسیپلرینه ضیددیر"
آوروپا بیرلیگی کمیسیونو باشقانی اورزولا فن در لاین، روسیانین اوکراینایا سالدیریسی آوروپانین گوونلیگینه بیرباشا تهدیددیر.
هیندیستانین باشکندی یئنی دهلی‌ده گئچیریله‌ن، "رایسینا دیالوگو" کنفرانسیندا چیخیش ائد‌ن اورزولا فن در لاین روسیانین اوکراینایا قارشی حاقسیز و اساسسیز سالدیریسینین استراتژیک اوغورسوزلوق اولاجاغینی بیلدیردی.
اورزولا فن در لاین،
"سوچسوز مولکی وطنداشلاری هدف آلماق و اؤلدورمک، گوج یولو ایله سرحدلری دییشدیرمک، اؤزگور خالقین ایراده‌سینی کنترل آلتینا آلماق بیرلشمیش میللتلر تشکیلاتینین اساس پرینسیپلرینه ضیددیر. بیز روسیانین سالدیریسینی آوروپانین گوونلیگینه بیرباشا تهدید کیمی گؤروروک" دئدی.
فن در لاین،
"آوروپا بیرلیگی اوکراینایا اؤز آزادلیغی اوغروندا موباریزه آپارماسی اوچون الیندن گله‌نی ائدیر. بونا گؤره ده بیز سرت، جدی و تأثیرلی تحریملر تطبیق ائتمه‌لی اولدوق" دئیه وورغولادی.
اورزولا فن در لاین، تحریملرین تک باشینا حل یولو اولمادیغینی دا ایفاده ائتدی.
