آمریکادا یاشایان تورکلر، ارمنی ادعالارینا تپکی وئردی
اللرین‌ده تورک و آذربایجان بایراقلاری داشییان قالابالیق قروپ، تورکیه و آذربایجان له‌ینه شعارلار وئردی
آمریکا بیرلشمیش دؤولتلرینده یاشایان تورکلر، ۲۴ آوریل سببی ایله واشینگتن‌دا بیر آرایا گلدیکلری فعالیتده، ارمنی ترور هؤرگوتلری طرفیندن شهید ائدیله‌ن دیپلوماتلاری آندی، ارمنی ادعالارینا تپکی وئردی.
باشدا باشکند واشینگتن، نیویورک و نیوجرسی اولماق اوزره مختلیف ایالتلردن، "شهیدلری خاطیرلاما و دایانیشما" فعالیتی اوچون تورکیه‌نین واشینگتن ائلچیلیگی اؤنونده توپلانان یوزلرجه اینسان، تورکیه‌نین حاقلی تزلرینه دستکلرینی و ارمنی ادعالارینا تپکیلرینی اورتایا قویدو.
تورک-آمریکان اولوسال یؤنلندیرمه کمیته‌سی ایش بیرلیگینده تورک توپلومونو بیر آرایا گتیره‌ن و ایستیقلال مارشی ایله باشلایان تدبیرده، اللرین‌ده تورک و آذربایجان بایراقلاری داشییان قالابالیق قروپ، تورکیه و آذربایجان له‌ینه شعارلار وئردی.
ارمنی ادعالارینین سیاسته آلت ائدیلمه‌مه‌سی قونوسوندا آمریکا رهبرلیگینه تپکی وئره‌ن قروپ، تاریخی حادثه‌لرین تحریف ائدیلمه‌سین‌دن دویدوقلاری راحاتسیز‌لیغی دیله گتیردی.
قروپ‌داکیلار، "تاریخ سیاستله یارغیلانابیلمز"، "ارمنی یالانلارینی رد ائدیریک" و "تورکیه-ارمنیستان بؤلگه‌سل چؤزم سوره‌جینی دستکله‌ییریک" یازیلی پلاکاردلار آچاراق هم ارمنی ادعالارینی رد ائتدیکلرینی، هم ده سون زامانلارداکی آنکارا-ایروان دیپلوماسیسینی دستکله‌دیکلرینی وورغولادی.
تورکیه‌نین واشینگتن ائلچیسی مراد مرجان دا گؤسترییه قاتیلان تورک توپلومو عضولری ایله تک تک ال سیخیشدی، صحبت ائتدی. گؤسترینین سونوندا خاطره فوتوگرافی دا چکدیریلدی.
گؤسترینینن تشکیل ائدیلدیگی شریدان میدانینین دیگر طرفینده توپلانان آز ساییدا‌کی ارمنی ده مختلیف پالاکاردلار داشیدی، شعارلار وئردی. بو ایل گؤسترییه قاتیلان ارمنیلرین ساییسینین اؤنجه‌کی ایللره گؤره اولدوقجا آز اولماسی دقت چکدی.
واشینگتن پلیسی، میدانی گؤستریچیلر اوچون ایکی آیری بؤلومه آییرارکن، آلینان گوونلیک تدبیرلری دقت چکدی.
اؤته یاندان آمریکادا ان چوخ ارمنینین یاشادیغی کالیفورنیا ایالتینین لوس آنجلس شهرینده‌کی بعضی ارمنی درنکلری، تورکیه‌نین لوس آنجلس باش کونسوللوغو قارشیسیندا توپلاندی. بوراداکی گؤسترییه قاتیلان ارمنیلرین ساییسینین دا اؤنجه‌کی ایللره مقایسه‌ده آز اولدوغو گؤزلندی.
ایلگیلی‌لی خبرلر
اونروا غزه زولاغینین قوزئیینه اینسانی یاردیم گؤتوروب
اونروا آتیش‌کسین غزه خالقینین حیاتینی خیلاص ائتمک اوچون یگانه اومید اولدوغونو وورغولاییب
