آوروپا بیرلیگی اوکراینادا سیویل لری هدف آلان هوجوم‌لاری قیناییب

آوروپا بیرلیگی‌نین خاریجی علاقه‌لر و تهلوکه‌سیزلیک سیاستی عالی نوماینده‌سی جوزپ بورل روسیانین اوکراینادا فوریه‌نین 24-دن بری داوام ائدن هوجوم‌لاری ایله باغلی آچیقلاما وئریب.

1814616
آوروپا بیرلیگی اوکراینادا سیویل لری هدف آلان هوجوم‌لاری قیناییب

آوروپا بیرلیگی روسیانین اوکراینادا آیری-سئچکی‌لیک اولما‌دان سیویل لری هدف آلان هوجوم‌لاری قیناییب.

آوروپا بیرلیگی‌نین خاریجی علاقه‌لر و تهلوکه‌سیزلیک سیاستی عالی نوماینده‌سی جوزف بورل روسیانین اوکراینادا فوریه‌نین 24-دن بری داوام ائدن هوجوم‌لاری ایله باغلی آچیقلاما وئریب.

جوزف بورل "اوکراینا سون هفته‌لرده روسیانین ان شدتلی راکت هوجوم‌لارینا معروض قالیب. آوروپا بیرلیگی‌ روسیا سلاح‌لی قوه‌لری‌نین سیویل اهالینی و سیویل آلت یاپینی و آیری سئچکی‌لیک ائتمه‌دن و غیری-قانونی بومباردمانینی پیسلییر" ایفاده‌سینی ایشله‌دیب.

خصوصیله اؤلکه‌نین دوغو سوندا و گونئی ینده آغیر هوجوم‌لارین داوام ائتدیگینی بیلدیرن بورل لوگانسک و خارکوو کیمی بؤلگه‌لرده سیویل اها‌لی‌نین گولله‌لندیگینی، سیویل آلت یاپی‌نین محو ائدیلدیگینی بیلدیریب.

اوکراینادا تؤره‌دیلن حربی جینایت‌لرین جزا‌سیز قالماماسی‌نین واجیب‌لیگینی وورغولایان بورل آوروپا بیرلیگی‌نین اوکراینا خالقی‌نین یانیندا اولدوغونو و اونا دستک وئرمه‌یه داوام ائدجگینی قئید ائدیب.



ایلگیلی‌لی خبرلر