کارل نهامر: "پوتین ایستانبول-دا باشلایان باریش دانیشیقلارینا هله ده اینانیر"
اتریش-ین باش ناظیری کارل نهامر روسیانین پایتاختی مسکوادا پوتین ایله گؤروشدن سونرا اتریش مطبوعاتینا آچیقلاما وئریب.
"روسیا پرزیدنتی ولادیمیر پوتین ایستانبول-دا (اوکراینا ایله) باشلایان باریش دانیشیقلارینا هله ده ایناندیغینی و بو مسئله ایله باغلی جمهور باشقانی رجب طیب اردوغانلا گؤروشهجگینی سؤیلهدی".
بونو اتریش باش ناظیری کارل نهامر روسیانین پایتاختی مسکوا-دا پوتین ایله گؤروشدن سونرا اتریش مطبوعاتینا آچیقلاماسیندا دئییب.
عمومیلیکده ولادیمیر پوتین ایله گؤروشون چوخ دا یاخشی کئچمهدیگینی قئید ائدن نهامر بو تشببوسون دیالوقون و تماسلارین داوام ائتدیریلمهسی اوچون واجیب اولدوغونو بیلدیریب.
کرال نهامر دئییب کی، پوتین اوکراینا پرزیدنتی ولادیمیر زلنسکی ایله تکبتک گؤروش تکلیفینه رئاکسیا وئرمهدی.
پوتینین اؤلکهسی ایله اوکراینا آراسیندا ایستانبول-دا (29 مارسدا) باشلایان دانیشیقلارین داوام ائتدیریلمهسینین طرفداری اولدوغونو قئید ائدن نهامر "ایستانبول دانیشیقلارینا هله ده گوونیر. بو مؤوضوع دا پرزیدنت رجب طیب اردوغانلا گؤروشهجک" دئییب.
کارل نهامر فوریهنین 24-ده محاربه باشلایاندان بری ولادیمیر پوتینله گؤروشن ایلک آوروپا حکومت باشچیسی اولوب.
ایلگیلیلی خبرلر
روسیهنین اوکراین راکت هوجوملاری
روسیهنین اوکراینین دنیپروپترووسک ویلایتینه راکت هوجوملاری نتیجهسینده ۸ نفر اؤلوب، 29 نفر یارالانیب