روسیا دونانماسینا مخصوص گمیلر ژاپونیانین قوزیی یندن کئچیب
روسیا دونانماسینا مخصوص گمیلرین ژاپونیانین قوزیییندهکی هوکایدو ایله روسیانین ساخالین آدالاری آراسیندان کئچدیگی بیلدیریلیب.
روسیا دونانماسینا مخصوص گمیلرین ژاپونیانین قوزیییندهکی هوکایدو ایله روسیانین ساخالین آدالاری آراسیندان کئچدیگی بیلدیریلیب.
ژاپونیا ساوونما ناظیرلیگی ژاپونیا دنیز اؤزونو ساوونما قوهلرینین (MSDF) هوکایدونون قوزییینده، سویا بؤلگهسینین 130 کیلومتر گونئی- دوغوسوندا 6 روسیا دونانماسینین گمیسینی آشکار ائتدیگینی آچیقلاییب.
آچیقلامادا ناوشکن، سوآلتی قاییق (زیردریایی) و راکت ایزلمه گمیلریندن (ناوهای ردیاب موشکی) عبارت روسیا دونانماسینین سویا بوغازیندان کئچهرک ژاپون دنیزینه (دوغو دنیزی) داخیل اولدوغو بیلدیریلیب.
ژاپونیانین دوولت تلویزیونو "NHK" بیلدیریب کی، فوریه آییندان روسیا دونانماسی 20 دؤیوش گمیسی ده داخیل اولماقلا گئنیش میقیاسلی دنیز تعلیملری کئچیریب.
کئچن هفته عمومیلیکده 10 روسیا گمیسی هوکایدو ایله ژاپونیانین هونشو ایالتی آراسینداکی سوگارو بوغازیندان کئچیب.
روسیا ساوونما ناظیرلیگی کوریل آدالاری بؤلگهسینده یئر-هاوا راکت سیستملرینین جلب اولوندوغو حربی تعلیم کئچیردیگینی آچیقلاییب.
قئید اولونوب کی، MSDF فوریهنین 24-ده روسیا حربی دنیز قوهلرینین اوکراینایا باشلاتدیغی محاربهدن سونرا ژاپونیا اطرافیندا آرتان فعالیتلرین مقصدینی تحلیل ائدهجک.