امریکا اوکراینایا 13،6 میلیارد دولار یاردیم ائده‌جک
امریکا پرزیدنتی جو بایدن کنگره‌نین هر ایکی مجلیسی طرفیندن حکومتین جاری مالیه ایلی اوچون 1،5 تریلیون دولار مبلغینده بودجه پاکتینی قبول ائدیب.
امریکا پرزیدنتی جو بایدن کنگره‌نین هر ایکی مجلیسی طرفیندن حکومتین جاری مالیه ایلی اوچون 1،5 تریلیون دولار مبلغینده بودجه پاکتینی قبول ائدیب.
بایدن بیلدیریب کی، سؤزوگئدن فوندلا اوکراینا ایله یاناشی، محاربه‌دن ضرر چکمیش قونشو اؤلکه‌لره ده یاردیم ائدیله‌جک.
سون بیر ایلده اوکراینایا 1،2 میلیارد دولار ساوونما یاردیمی ائدیلدیگینی بیلدیرن بایدن دئییب:
"بو ساواش 3 میلیونا یاخین اوکراینالینی قاچقین وضعیتینه سالیب و اونلارین سایی گونو-گون‌دن آرتیر. حاضیردا 12 میلیون اینسانین اینسانی یاردیما احتیاجی وار. بیز اینسانی یاردیم مؤوضوع سوندا بوتون دونیانی سفربر ائدیریک".
جو بایدن ایمضالادیغی یئنی قانون لاییحه‌سی ایله اوکراینایا باشدا ساوونما و اینسانی یاردیم‌لار اولماقلا، میلیاردلارلا دولار یاردیم ائده‌جک‌لرینی وورغولاییب:
"بو یاردیم‌لارلا روسیا پرزیدنتی ولادیمیر پوتین‌ین اوکراینا و بولگه خالق‌لاری اوزرینده آپاردیغی ساواشین یارا‌لارینی ساغالتماغا چالیشاجاغیق” ایفاده‌سینی ایشله‌دیب.
قئید ائدک کی، بو پاکت دیگر مسئله‌لرله یاناشی، اوکراینایا اینسانی، حربی و اقتصادی یاردیم اوچون 13،6 میلیارد امریکا دولاری‌نین آیریلماسینی نظرده توتور.
قانون لاییحه‌سی روسیانین اوکراینایا حربی موداخیله‌سینه و اونون قونشو اؤلکه‌لر اوچون نتیجه‌لرینه جاواب وئرمک اوچون ایمضالانیب.
