بوریس جانسون ایله زلنسکی آراسیندا تلفون دانیشیغی اولوب
اینگیلترهنین باش ناظیری بوریس جانسون اوکراینا پرزیدنتی ولادیمیر زلنسکی ایله تلفونلا دانیشیب.
"روسیا پرزیدنتی ولادیمیر پوتینین پرواسیز حرکتلری ایندی بوتون آوروپانین تهلوکهسیزلیگینی بیرباشا تهدید ائده بیلر".
بونو اینگیلتره-نین باش ناظیری بوریس جانسون اوکراینا پرزیدنتی ولادیمیر زلنسکی ایله تلفون دانیشیغیندا دئییب.
باش ناظیرین 10 نؤمرهلی اوفیسینین بیاناتیندا دئییلیب کی، جانسون بو گون سحر زلنسکی ایله زاپوروژیئ آتوم الکتریک استاسیونونداکی ناراحاتلیق دوغوران وضعیتله باغلی تلفونلا دانیشیب.
ایکی لیدئرین ده روسیانین آتوم استاسیونونا هوجومونو درحال دایاندیرماسی و فوق العاده حاللار قروپلارینین تاسیسه محدودیتسیز داخیل اولماسینا ایجازه وئرمهسی ایله باغلی راضیلیغا گلدیگی بیلدیریلیب.
بیاناتدا "باش ناظیر جانسون دئییب کی، پوتینین پرواسیز حرکتلری ایندی بیرباشا اولاراق بوتون آوروپانین تهلوکهسیزلیگینی تهدید ائده بیلر. اینگیلتره وضعیتین داها دا پیسلشمهمهسی اوچون الیندن گلنی ائدهجک. جانسون گلهجک ساعاتلاردا عاجیل بیر بیرلشمیش میللتلر تشکیلاتینین (بمت) تهلوکهسیزلیک شوراسینین ایجلاسینی ایستهیهجگینی و اینگیلتره-نین بو مسئله ده مؤضوعنو روسیا و اونون یاخین طرفداشلاری ایله گوندمه گتیرجگینی ایفاده ائتدی. هر ایکی لیدئر ده آتشکسین چوخ واجیب اولماسی بارهده همفیکیردیر” دئییلیب.
خاطیرلادیق کی، روسیا قوشونلاری فوریهنین 24-ده اوکراینایا حربی هوجوم باشلادیب.