آلمانیا روس میلیاردرین یاختاسینا ال قویوب

آلمانیا روسیانین اوکراینایا موداخیله‌سی ایله علاقه‌دار آوروپا بیرلیگی‌نین تطبیق ائتدیگی تحریم لر چرچیوه‌سینده اؤزبک اصیل‌لی روسیا‌لی میلیاردر علیشیر عثمانووا مخصوص 600 میلیون دو‌لارلیق یاختایا ال قویوب.

آلمانیا مطبوعاتیندا چیخان خبرلره گؤره، هامبورگ ایالتی‌نین صلاحیت‌لی‌لری علی شیر عثمانووون هامبورگ لیمانیندا 156 متر اوزونلوغو‌داکی یاختاسینی مصا‌دیره ائدیب.

عمومی توناژدا دونیانین ان بؤیوک موتورلو یاختاسی ساییلان گمی 2021-جی ایلین اوکتبر آییندان آلمانیانین گمی قاییرما و مهندیس‌لیک شیرکتی Blohm + Voss ترسانسیندیدی.

علی شیر عثمانووون ن "دیل بار" یاختاسی 2016-جی ایلده آلمانیانین لوکس یاختا ایستئهسالچی‌سی Lürssen –دن 600 میلیون دو‌لارا آلینیب. یاختانین 65 کابینه‌سی وار کی، 40 یولجو و 80 اکیپاژ عضوونو قبول ائده بیلیر. بؤیوک حوض دان باشقا، یاختادا ایکی هلیکوپتر میدانچاسی و ساونا دا وار.