بمت-نین اوکراینایا یاردیم پلانی
بیرلشمیش میللتلر تشکیلاتی (بمت) اوکرایناداکی محاربهده ضرر گؤرن سیویل لر اوچون چوخ قیسا مدتده 1،5 میلیارد دولار باغیش سوزو وئریله جگینه دایر قرارا گلدیگینی بیلدیردی.
بمت-نین اوکراینایا یاردیم پلانی
بیرلشمیش میللتلر تشکیلاتی (بمت) اوکرایناداکی محاربهده ضرر گؤرن سیویل لر اوچون چوخ قیسا مدتده 1،5 میلیارد دولار باغیش سوزو وئریله جگینه دایر قرارا گلدیگینی بیلدیردی.
بمت باش کاتیبینین سؤزچوسو استفان دوژارریک گوندهلیک مطبوعات کونفرانسیندا بیلدیریب کی، بمت باش کاتیبینین هومانیتار مسئلهلر معاونی مارتین گریفیتس کئچیردیگی بریفینقده اوکراینایا لازیم اولان 1،7 میلیارد دولارلیق یاردیم چاغیریشینین 1،5 میلیاردی اوچون عضو دؤولتلر و طرفداشلار وعد وئریبلر.
استفان دوجاریک "گریفیتس اینسانی مراجعتلر اوچون 1،5 میلیارد دولار آیریلدیغینی تصدیقلهدی. بو، ایندییه قدر اینسانی مراجعته وئریلن ان سرعتلی و سخاوتلی جاوابلاردان بیریدیر" دئییب.
عضو دؤولتلره و طرفداشلارا اوکراینا خالقینا گؤستردیکلری “سخاوتلی دستکه” گؤره تشککور ائدن باش کاتیبین سؤزچوسو "همیشه اولدوغو کیمی، بیز اینسانلاری باغیش لارینی تئز بیر زاماندا ناغدلاشدیرماغا چاغیریریق" ایفادهسینی ایشلدیب.
مطبوعات کنفرانسیندا بمت-نین قاچقینلار اوزره عالی کمیسارلیغی (UNHCR) طرفیندن اوکراینادان تخلیه گؤزلهین اینسانلارا ماتریال ایله دولو ایلک یوک ماشینینین بازار گونو چاتدیغی و دونیا ارزاق پروقرامینین ایلک یوکلرینین تورکیه-دن یولا دوشدوگو بیلدیریلیب.
دوژارریک قئید ائدیب کی، اینسان حقوقلاری اوزره عالی کمیسارلیغین قئیدلرینه گؤره، اوکراینادا 24-28 فوریه تاریخلری آراسیندا باش وئرمیش موناقیشه زامانی 136 سیویل هلاک اولوب، ان آزی 536 نفر یارالانیب.
بیلدیریلیب کی، بمت اوکراینادان مولدووایا سیغینان 70 میندن چوخ قاچقینین احتیاجلاری ایله ده ماراقلانیر.
خاطیرلاداق کی، فوریهنین ئورالین 24-ده روسیا قوشونلاری اوکراینایا هوجوم باشلادیب.
ایلگیلیلی خبرلر
پاریسده عرقچیلیک و ایسلام دوشمنلیگینه قارشی اعتیراض کئچیریلیب
بوندان علاوه، 2023-جو ایلین یاییندا پولیس زوراکیلیغی نتیجهسینده اؤلن گنج ده تظاهراتدا آنیلیب