بمت-دن اوکراینایا عاجیل یاردیم

بمت-نین باش کاتیبی آنتونیو گوترش روسیانین هوجومونا معروض قالان اوکراینا وطنداش‌لارینا 20 میلیون دولار عاجیل یاردیم وئریله‌جگینی آچیقلاییب.

1785312
بمت-دن اوکراینایا عاجیل یاردیم

بمت-نین باش کاتیبی آنتونیو گوترش روسیانین هوجومونا معروض قالان اوکراینا وطنداش‌لارینا 20 میلیون دولار عاجیل یاردیم وئریله‌جگینی آچیقلاییب.

گوترش بمت-نین نیویورک‌-داکی منزیل قرارگاهیندا مطبوعات نوماینده لرینه اوکراینایا مالیه یاردیمی ائده‌جک‌لرینی بیلدیریب.

"عاجیل احتیاج لارین اؤدنیلمه‌سی اوچون مرکزی عاجیل موداخیله فوندون‌دان درحال 20 میلیون دولار آییراجاغیق" دئییب.

“روسیانین اوکراینانین اگمن اراضی‌سینده‌کی حربی عملیات‌لارینی آوروپانین اون ایل لردیر گؤرمه‌دیگی میقیاسدا گؤروروک” دئیه قئید ائدن گوترش سیویل لرین قورونماسی‌نین بیر نؤمره‌لی اونجه لیک اولماغا و اولوسلار آراسی اینسان حاق‌لاری قانونونون قورونماسینا چاغیریب.

باش کاتیب روسیا پرزیدنتی ولادیمیر پوتینه مراجعت ائدیب:

"پرزیدنت پوتینه چاغیریشیمی تکرار ائدیرم: حربی عملیاتی دایاندیرین. قوشون‌لاری روسیایا قایتارین" ایفاده‌سینی ایشله‌دیب.

گوترش، "بوتون عضو‌لر اؤز اولوسلار آراسی موناسیبت‌لرینده هر هانسی دؤولتین اراضی بوتؤو‌لوگونه و یا سیاسی موستقیل‌لیگینه قارشی و یا بمت-نین مقصدلرینه اویغون اولمایان هر هانسی حده و یا گوج تطبیقیندن چکینمه‌لی‌دیرلر” دئییب.

او، بمت کنوانسیونونو اوخویا‌راق روسیانین حربی عملیاتی‌نین یانلیش‌لیغینا دقت چکیب.

گوترش علاوه ائدیب کی، یاخین گون‌لرده وئریله‌جک قرارلارین دونیانی فورما‌لاش‌دیرا‌جاق و میلیون‌لارلا اینسانین حیاتینا بیرباشا تأثیر ائده‌جک.

 



ایلگیلی‌لی خبرلر