بایدن روسیایا قارشی تحریم لری آچیقلادی

امریکا پرزیدنتی جو بایدن آغ ائوده مطبوعات کنفرانسی کئچیریب.

1783615
بایدن روسیایا قارشی تحریم لری آچیقلادی

"بونون نتیجه‌سی روسیا اوچون آغیر اولا‌جاق".

بونو امریکا پرزیدنتی جو بایدن آغ ائوده کئچیردیگی مطبوعات کنفرانسیندا دئییب.

بایدن قوندارما دونتسک و لوگانسک خالق جمهوریت لرینی تانییان روسیا پرزیدنتی ولادیمیر پوتین‌ین بؤلگه‌نی اله کئچیرمک ایسته‌دیگینی بیلدیریب.

بایدن “بو، ایشغالین باشلانغیجی‌دیر. پوتین بیرباشا اوکراینانین مؤوجودلوق حقوقونا هوجوم ائتدی. روسیا قلوبال باریش و ثابت‌لیگی تهدید ائدیر" دئییب.

روسیانین 2 بؤیوک مالیه شیرکتینه تحریم تطبیق ائتدیک‌لرینی، پوتینه یاخین آدام‌لارا دا تحریم تطبیق ائده‌جک‌لرینی قئید ائدن بایدن "روسیا هوجوم‌لارینی داوام ائتدیررسه، بونون نتیجه‌سی آغیر اولا‌جاق و بیز تحریم لری آرتیراجاغیق" دئییب.

روسیا ایله دؤیوشمک نیتینده اولمادیق‌لارینی، آنجاق ناتو تورپاق‌لارینی قورویا‌جاق‌لارینی قئید ائدن جو بایدن امریکانین بالتیکیانی اؤلکه‌لرده‌کی عسگرلرینی آرتیرا‌جاق‌لارینی، اوکراینایا ساوونما سلاح‌لاری وئرمه‌یه داوام ائده‌جک‌لرینی بیلدیریب:

"ان پیس سناریونو دییش‌دیرمک اوچون هله واخت وار".



ایلگیلی‌لی خبرلر