استولتنبرگ، روسیانی گئری چکیلمه‌یه چاغیردی
"روسیا، اوکراینانی ایشغال اوچون یئترلی ظرفیته صاحبدیر و روسیانین اوکراینانی ایشغال ائتمه‌سی قونوسوندا قایغیلیییق"
ناتو باش کاتبی ینس استولتنبرگ، روسیانین اوکراینایا سالدیرماق اوچون بیر بهانه آختاردیغینی ایفاده ائد‌رک، روسیایا گئری چکیلمه چاغریسینی تکرارلادی.
استولتنبرگ، بلژیکین باشکندی بروکسل‌ده تشکیل ائدیله‌ن ساوونما باخانلاری ییغینجاغی سونراسی دانیشدی.
روسیانین اوکراینا سرحدینه عسگری ییغناغا داوام ائتدیگینی ایفاده ائد‌ن استولتنبرگ،
"روسیایا اوکراینا سرحدینده‌کی عسگرلرینی چکمه چاغریسی ائدیریک" دئدی.
ناتو باش یازمانی، اوکراینایا دستکلرینین داوام ائدجگینی وورغولایاراق،
"روسیانین دونتسک و لوهانسک‌ین مستقیللیگینی تانیماسی اوکراینانین تورپاق بوتونلویونون پوزونتوسو اولار" دئدی.
"متفیقلر روسیا ایله دیالوگا حاضر" دئیه‌ن استولتنبرگ،
"روسیا، اوکراینانی ایشغال اوچون یئترلی ظرفیته صاحبدیر و روسیانین اوکراینانی ایشغال ائتمه‌سی قونوسوندا قایغیلیییق. روسیایا عسگرلرینی چکمه و دیالوگ چاغریسی ائدیریک. ساحه‌ده‌کی گئرچکلره باخیریق، روسیانین اوکراینا سرحدین‌ده بؤیوک بیر عسگری وارلیغی اولدوغونو هر کس گؤرور" دئدی.
ناتوین بیر تهدید دئییل، بیر ساوونما اتفاقی اولدوغونا ایشاره ائد‌ن ینس استولتنبرگ، بوتون متفیقلری قوروماق اوچون لازیم اولان آددیملاری آتدیقلارینی ایفاده ائتدی و ناتونون دیپلوماسی و دیالوگا ایناندیغینی وورغولادی.
