آنتونی بلینکن استولتنبرگ و ژان ایو لودریان ایله گؤروشوب
امریکانین خاریجی ایشلر ناظیری آنتونی بلینکن ناتو-نون باش کاتیبی ینس استولتنبرگ و فرانسانین خاریجی ایشلر ناظیری ژان ایو لودریان ایله گؤروشوب.
امریکانین خاریجی ایشلر ناظیری آنتونی بلینکن ناتو-نون باش کاتیبی ینس استولتنبرگ و فرانسانین خاریجی ایشلر ناظیری ژان ایو لودریان ایله روسیانین اوکراینا سرحدینه یاخین بؤلگهلرده گوجلنمهسینی، اؤلکهسینین، طرفداشلارینین و متفیقلرینین اونا قارشی موضعینی موذاکیره ائدیب.
خاریجی ایشلر ناظیرلیگینین سؤزچوجو ند پرایس وئردیگی یازیلی آچیقلامادا بلینکنین فرانسالی همکاری ژان ایو لودریان و ناتو باش کاتیبی استولتنبرگ ایله گؤروشدوگونو آچیقلاییب.
پرایس بیلدیریب کی، بلینکنین استولتنبرگ ایله گؤروشونده امریکا متفیقلری و طرفداشلاری ایله سیخ امکداشلیق و مصلحت لشمهلره صادقلیگینی بیر داها بیان ائدیب:
"بلینکئن امریکانین روسیا اوکراینایا قارشی حربی هوجوما باشلایارسا، اونا تئز و آغیر جاواب وئرمهیه حاضیر اولدوغونو وورغولاییب. بلینکن و باش کاتیب استولتنبرگ روسیانی دیپلوماتیک اولاراق گرگینلیگی آزالتماغا، معنالی و قارشیلیقلی دیالوق باشلاتماغا جلب ائتمهیه یؤنلدیلمیش سعیلرله یاناشی، امریکا و متفیقلرینین ناتو-نون دوغو جیناهینی گوجلندیرمک اوچون حربی گوج یئرلشدیرمه مسئلهلرینی موذاکیره ائتدیلر".
فرانسا ناظیری ژان ایو لودریان ایله گؤروشله باغلی وئردیگی آچیقلامادا پرایس ایکی ناظیرین ناتو متفیقلری، آوروپا بیرلیگی طرفداشلاری، گ7 عضولری و دیگر طرفداشلارین روسیانین اوکراینا سرحدلرینده داوام ائدن حربی گوجلنمهسی ایستیقامتینده بیرگه سعیلرینی موذاکیره ائتدیکلری بارهده معلومات پایلاشیب.
"ایکی همکار اوکراینانین اگمنلیگینی و اراضی بوتؤولوگونو دستکلمهیه داوام ائتمهنین، روسیانین اوکراینانی داها چوخ ایشغال ائدجگی حالدا معروض قالاجاغی یوکسک خرجلری باشا دوشمهسینی تامین ائتمهنین واجیبلیگینی وورغولادیلار" دئیه ند پرایس قئید ائدیب.
ایلگیلیلی خبرلر
اونروا غزه زولاغینین قوزئیینه اینسانی یاردیم گؤتوروب
اونروا آتیشکسین غزه خالقینین حیاتینی خیلاص ائتمک اوچون یگانه اومید اولدوغونو وورغولاییب