آمریکا پلیسی، بیر ایلده ۱۰۵۵ نفری اؤلدوردو
گوونلیک گوجلرینین سلاحیندان چیخان مرمیلرله اؤلن آمریکالی ساییسینین سون ۷ ایلده آرتدیغی بیلدیریلدی
آمریکا بیرلشمیش دؤولتلرینده پلیسین ۲۰۲۱ده ۱۰۵۵ نفری سلاحلا ووراراق اؤلدوردوگو، بونون، ۲۰۱۵دن بو یانا ان یوکسک رقم اولدوغو ایفاده ائدیلدی.
آمریکادا یاییملانان واشینگتن پست قزئتینین راپوروندا گئچهن ایل آمریکا پلیسینین ان آز ۱۰۵۵ نفری حادثهلره مداخیله سیراسیندا اؤلدوردوگو، بو رقمین ۲۰۲۰ده ۱۰۲۱ و ۲۰۱۹دا ۹۹۹ اولدوغو بیلگیسی پایلاشیلدی.
راپوردا، ۲۰۱۵دن بو یانا آمریکا پلیسینین اؤلومجول شدتی ان چوخ ۲۰۲۱ده اولدوغونو، گوونلیک گوجلرینین سلاحیندان چیخان مرمیلرله اؤلن آمریکالی ساییسینین سون ۷ ایلده آرتدیغینا دقت چکیلدی.
واشینگتن پستون رقملری، ۲۰۲۱ده پلیس مرمیسی ایله حیاتینی ایتیرهنلرین یوزده ۹۴ونون کیشی، یوزده ۸۵ینین ده حادثه سیراسیندا سلاحلی اولدوغونو اورتایا قویدو.
راپوردا آمریکا پلیسینین سون ۷ ایلده ۳ دفعه ۱۰ یاش آلتینداکی بیر اوشاغی سلاحلا ووراراق اؤلدوردوگونه و ۲۰۲۱ده پلیس مرمیسی ایله حیاتینی ایتیرهن ۱۰۵۵ نفردن تخمیناً یوزده بیرینین اوشاق یاشدا اولدوغونا ایشاره ائدیلدی.
مینهسوتا پلیسینین ۲۰۲۰ده گؤزآلتینا آلما ایشی سیراسیندا آفریقا منشألی جورج فلویدون اؤلومونه سبب اولماسی سونراسی گوونلیک گوجلرینه ایستیقامتلی تپکیلر آرتمیش، پلیسلرین تعلیمی و داورانیشلارینین قیسیدلانماسی اوچون مختلیف ایالتلرده ۴۰۰دن چوخ قانون لایحهسی سونولموشدو.
ایلگیلیلی خبرلر
اونروا غزه زولاغینین قوزئیینه اینسانی یاردیم گؤتوروب
اونروا آتیشکسین غزه خالقینین حیاتینی خیلاص ائتمک اوچون یگانه اومید اولدوغونو وورغولاییب