افریقا-دا فیرتینا: 78 نفر هلاک اولوب
افریقا-دا “آنا” تروپیک فیرتیناسی 78 نفرین اؤلومونه سبب اولوب
افریقا اؤلکهلری موزامبیک، مالاوی و ماداگاسکار-دا طغیان ائدن “آنا” تروپیک فیرتیناسی بیر سیرا داغینتیلارا، هابئله 78 نفرین اؤلومونه سبب اولوب.
ماداگاسکار میللی ریسک و فلاکت ایداره ائتمه آژانسیندان وئریلن آچیقلامادا قئید ائدیلیر کی، قاره اؤلکهلرینین مینلرله ساکینی ائولرینی ترک ائدیب. ماداگاسکار-دا آزی 41 نفرین اؤلدوگو، 100 مین اینسانین فیرتینانین یاراتدیغی داشقینلار سببیدن ائولرینی ترک ائتمهلی اولدوغو بیلدیریلیر. مالاوی-ده آزی 19 نفر حیاتینی ایتیریب، اؤلکه داخیلینده الکتریک انرژیسی کسیلیب، بعضی بؤلگهلر فلاکت زوناسی اعلان ائدیلیب.
فیرتینا هابئله موزامبیک-ده آزی 15 اینسانین حیاتینی ایتیرمهسینه سبب اولوب، بونونلا بئله، رسمی قوروملار اؤلنلرین سایینین تام معلوم اولمادیغینی، 20 مین آدامین داشقینلاردان ضرر چکدیگینی خبر وئریبلر. موزامبیک-ین میللی فلاکت آژآنسینین حسابلامالارینا گؤره، اؤلکهده 3 مینه یاخین ائو قیسمن، 600-دن چوخ ائو ایسه تامامیله داغیلیب.
بیرلشمیش میللتلر تشکیلاتینین اوشاق فوندو (یونیسف) موزامبیک-ده اینسانی یاردیما احتیاج دویدوغونو تخمین ائتدیگی 45 مین000 نفره یاردیم ائتمک اوچون اؤلکهیه هئیت یئرلشدیردیگینی بیلدیریب.
بوندان علاوه، ماداگاسکار، موزامبیک و مالاوی-ده فیرتینانین یاراتدیغی داشقینلار سببیندن 600 مین هکتار تاریم ساحهسی یارارسیز حالا دوشوب.
