چک جمهوریتی اوکراینایا مهمات گؤندره‌جک
چک جمهوریتی دایانیشما چرچیوه‌سینده اوکراینایا توپ مرمیسی گؤندره‌جک.
چک جمهوریتی دایانیشما چرچیوه‌سینده اوکراینایا 4 مین 6 توپ مرمیسی گؤندره‌جک.
چکیا ساوونما ناظیرلیگیندن وئریلن آچیقلامادا اؤلکه‌نین اوکراینایا “هدیه اولا‌راق” 4 مین 6 عدد 152 میللیمترلیک توپ مرمسی گؤندریله‌جگی بیلدیریلیب.
ساوونما ناظیری ژانا چئرنوجووا ناظیرلر شوراسی‌نین ایجلاسیندان سونرا ژورنالیست‌لره وئردیگی آچیقلامادا "اوکراینا ایله امکداشلیغیمیز اوزون مودت‌لی‌دیر و بو اؤلکه‌نی دموکراسی یولوندا دستکلمه‌یه داوام ائدیریک. سیاسی و دیپلوماتیک واسیطه‌لرله یاناشی، بو مهمات هدیه‌سی‌نین ثبوت ائتدیگی کیمی هم ده کونکرئت دستک وئریریک. بونون اؤنم‌ی بیر دایانیشما ژستی اولدوغونو دوشونوروک” دئییب.
حکومت سؤزچوسو یاکوب فاژنور ایسه قئید ائدیب کی، کیو حکومتی یاردیم ایسته‌ییب: “هدیه‌نین مقصدی روسیانین اوکراینا سرحدی بویونجا بؤیوک حربی قوه‌لر توپلادیق‌ان سونرا اوکراینانین ساوونماسینی گوجلندیرمه‌یه کؤمک ائتمک‌دیر”.
