آلمانیا، پ‌کاکا باغلانتیلی شیرکتلری یاساقلادی
لایپزیگ‌ده محکمه، "ام‌ای‌آر مولتی‌مئدیا" و "مزوپوتامیا" یایین‌ائوینین بؤلوجو ترور هؤرگوتو پ‌کاکا ایله شخصی، مالی و تشکیلاتی اولاراق باغلانتیلی اولدوغونا قرار وئردی
آلمانیا فدرال اداره محکمه‌سی ایچ ایشلری باخانلیغینین بؤلوجو ترور هؤرگوتو پ‌کاکا ایله باغلانتی‌سی اولان مزوپوتامیا یایین‌ائوی و "ام‌ای‌آر مولتی‌مئدیا" آدلی شیرکتین فعالیتلرینه قاداغا قویولماسینی اونایلادی.
لایپزیگ‌ده محکمه، "ام‌ای‌آر مولتی‌مئدیا" و "مزوپوتامیا" یایین‌ائوینین بؤلوجو ترور هؤرگوتو پ‌کاکا ایله شخصی، مالی و تشکیلاتی اولاراق باغلانتیلی اولدوغونا قرار وئردی.
محکمه‌نین قرارین‌دا مزوپوتامیا یایین‌ائوینین تجاری فعالیتینین پ‌کاکا اوچون تبلیغات آراجی اولدوغو و آیریجا پ‌کاکانین آوروپا تشکیلاتین‌دان مالی یاردیملار آلاراق اونلارا قارشی مسئولیت داشیدیغی وورغولاندی.
ام‌ای‌آر مولتی‌مئدیانین دا بؤلوجو ترور هؤرگوتو پ‌کاکانین فعالیتینه اسپانسیرلیک ائتدیگی وورغولانان قراردا، شیرکتین یوکسک سویه‌لی یؤنتیچیسینین پ‌کاکا عضوو اولدوغو وورغولاندی.
آلمانیانین اسکی ایچ ایشلری باخانی هورست زهوفر، ۲۰۱۹ ایلینین فوریه آییندا مزوپوتامیا یایین‌ائوی و ام‌ای‌آر مولتی‌مئدیا شیرکتینین فعالیتینی بؤلوجو ترور هؤرگوتو پ‌کاکا ایله باغلانتیلاری اولدوغو سببی ایله یاساقلامیشدی.
پ‌کاکا، آلمانیادا ۱۹۹۳.جو ایلده‌ن بری یاساقلی ترور هؤرگوتلری لیستینده یئر آلیر.
ایلگیلی‌لی خبرلر
پورتوریکو-دا قاچقین‌لاری داشییان قاییق باتیب
پورتوریکو-دا قاچقین‌لاری داشییان قاییغین باتماسی نتیجه سینده 11 نفر حیاتینی ایتیریب.
