اؤلومجول تصادف: ان آز ۱۷ نفر اؤلدو
معد‌ن‌ده ایستیفاده ائدیله‌جک پاتلاییجیلاری داشییان آراجین قارشی یولدان گلن موتورسیکلتله توققوشماسی نتیجه‌سینده پاتلاما میدانا گلدی
1766323
غنانین وسترن ویلایتین‌ده معد‌ن‌چی‌لیک‌ده ایستیفاده ائدیله‌جک پاتلاییجیلاری داشییان آراجین موتورسیکلتله توققوشماسی نتیجه‌سینده میدانا گلن پاتلامادا ۱۷ نفر اؤلدو، ۵۹ نفر یارالاندی.
غنا اطلاعات باخانی کوژو اوپپونگ ان‌کروماه، وسترن ویلایتینین بوگوسو-باودی یولون‌دا، معد‌ن‌ده ایستیفاده ائدیله‌جک پاتلاییجیلاری داشییان آراجین قارشی یولدان گلن موتورسیکلتله توققوشماسی نتیجه‌سینده پاتلاما میدانا گلدیگینی ایفاده ائتدی.
ان‌کروماه، پاتلاما سببیله ۱۷ نفرین حیاتینی ایتیردیگینی ۵۹ نفرین یارالاندیغینی، اطراف‌داکی ائو و دوکانلارین ییخیلدیغینی سؤیله‌دی.
غنا جمهورباشقانی نانا آکوفو-آددو دا سوسیال مئدیا حسابین‌دان ائتدیگی پایلاشیمدا یاشانان تراژیک حادثه‌دن اؤترو کدرلی اولدوغونو ایفاده ائتدی.
