چین "بوئینگ 737 مکس" اوچاق لارینا یئنیدن اوچوش ایجازهسی وئریب
چین 2018 و 2019-جو ایللرده ایکی اؤلومجول قضادان سونرا دایاندیریلمیش "بوئینگ 737 مکس" مارکالی یولجو اوچاغینین تکرار ایستیفادهسینی تصدیقلهییب.
چین 2018 و 2019-جو ایللرده ایکی اؤلومجول قضادان سونرا دایاندیریلمیش "بوئینگ 737 مکس" مارکالی یولجو اوچاغینین تکرار ایستیفادهسینی تصدیقلهییب.
چین سیویل هاواجیلیک ایدارهسیندن یاییلان آچیقلامادا اوچاغین قضالارا سبب اولان اتوماتیک اوچوش ایداره ائتمه سیستمیندهکی سهو علاوه پروقراملارلا دوزلدیلدیکدن سونرا اوچوشلارا باشلایا بیلهجگی ایفاده ائدیلیب.
آچیقلامادا او دا بیلدیریلیب کی، چینلی پیلوتلار تیجاری اوچوشلاری باشلامازدان اول سیستمله باغلی یئنی تعلیم کئچمهلیدیرلر.
چین، امریکا، آوروپا، برزیلیا و کانادادان سونرا "بوئینگ 737 مکس" مارکالی یولجو اوچاق لارینین یئنیدن اوچماسینا ایجازه وئرن گئنیش میقیاسلی هاواجیلیک بازارینا مالیک سونونجو اؤلکه اولدو.
امریکا 2020-جی ایلین دسامبریندا، آوروپا ایسه 2021-جی ایلین ژانویه آییندا تیجاری اوچوشلاری برپا ائتمک قرارینا گلیب.
قئید ائدک کی، "بوئینگ"ین ان چوخ ساتیلان مدلی اولان "737 مکس"ین اوچوش ایداره ائتمه سیستمیندهکی ناسازلیق 2018 و 2019-جو ایللرده ایکی فاجعهلی قضایا سبب اولموش، بئش آی فاصیله ایله 346 نفر هلاک اولموشدو.