قوزئی کره ایله گونئی کره آراسیندا باریش دانیشیقلاری داوام ائدهجک
گونئی کره لیدئری، وظیفهسینده قالدیغی مدتده قوزئی کره ایله باریش و دیالوگون قورولماسی اوچون چالیشاجاغینی بیلدیردی
گونئی کره جمهورباشقانی مون جه-این وظیفهسینده قالدیغی مدتده قوزئی کره ایله باریش و دیالوگون قورولماسی اوچون چالیشاجاغینی بیلدیردی.
مون پارلمانداکی چیخیشیندا، کره یاریم آداسیندا دیالوگ و دیپلوماسی یولو ایله یئنی باریش نظامینین قورولماسینا کؤمک ائتمک اوچون سونونا قدر چابا گؤسترهجگینی بیلدیردی.
گونئی کره لیدئری، آمریکانین اسکی پرزیدنتی دونالد ترامپ و قوزئی کرهلی قونومداشی کیم جونگ اون، ۲۰۱۸.جی ایل ژوئن آیینین ۱۲سینده ایلک دفعه گؤروشدوکلری ذیروهنین تشکیل ائدیلمهسینه کؤمک ائتدیگینی آنجاق، باریش اوچون چابالارینین هله تاماملانمادیغینی ایفاده ائتدی.
آمریکا و قوزئی کره آراسیندا نوکلئر دانیشیقلارینین آپاریلماسیندا اؤنملی رول اوینایان مونون وظیفهسی، ۲۰۲۲.جی ایلین می آییندا باشا چاتیر.
مخالیفلر، اقتیداری بویو کره یاریم آداسیندا یاپیجی توتوم سرگیلهین مونون قوزئی قونشولاری اۆزریندهکی اولوسلارآراسی باسقینی ضعفلتدیگینی بیلدیریر.
بونا قارشیلیق اولاراق مون، دستکچیلری طرفیندن باریشین قورولماسی اوچون چالیشان بیر آراچی اولاراق گؤرونور.