زلمی خلیل‌زاد استعفا ائتدی

"آمریکا خالقینا اون ایللر بویو ائتدیگی خیدمتلرینه گؤره مینتدارلیغیمی بیلدیریرم"

1721582
زلمی خلیل‌زاد استعفا ائتدی

آمریکا خارجی ایشلر باخانی آنتونی بلینکن، آمریکانین افغانیستان اؤزل نماینده‌سی زلمی خلیل‌زادین استعفا ائتدیگینی و یئرینه یاردیمچیسی توماس وستین تعیین ائدیلدیگینی آچیقلادی.

بلینکن، یازی‌لی آچیقلاماسین‌دا،

«افغانیستان اؤزل نماینده‌سی زلمی خلیل‌زاد وظیفه‌سیندن آیریلیر. آمریکا خالقینا اون ایللر بویو ائتدیگی خیدمتلرینه گؤره مینتدارلیغیمی بیلدیریرم. داها اول اؤزل نماینده یاردیمچیسی اولاراق ایشله‌یه‌ن توماس وست افغانیستان اؤزل نماینده‌سی اولاجاق» ایفاده‌لرینی ایشلتدی.

آمریکا پرزیدنتی جو بایدنین باشقان یاردیمچیسی اولدوغو دؤورون‌ده اولوسال گوونلیک اکیبینده اولان وستین افغانیستانلا باغلی دیپلوماتیک چابالارا رهبرلیک ائدجگینی ایفاده ائدن بلینکن،

"اؤزل نماینده وست، دیپلوماتیک چابالارا اؤنچولوک ائد‌جک، گونئی و اورتا آسیا بؤلومونده باخان و باخان یاردیمچیسینا مصلحت وئره‌جک" دئدی.

آمریکانین گئچمیش پرزیدنتی دونالد ترامپ طرفین‌دن افغانیستان اؤزل نماینده‌لیگینه تعیین ائدیله‌ن خلیل‌زاد، آمریکانین طالبانلا دانیشیقلارین‌دا اؤنملی رول اوینامیشدی.



ایلگیلی‌لی خبرلر