قوزئی کره‌‌ بالیستیک موشک سینادی

ژاپن و گونئی کره قوزئی کره‌نین "بالیستیک" اولدوغونا تخمین ائدیلن موشک سینادیغینی آچیقلادی.

کیودو آژانسینین، ژاپن حکومت قایناقلارینا دایاندیردیغی خبرینه گؤره، قوزئی کره بالیستیک موشک سیناغی ائتدی.

 موشکین، "ژاپن منحصر اقتصادی بؤلگه‌سینین" دیشیندا دنیزه دوشدوغو بیلدیریلدی.

خبرده، ژاپن باشباخانی سوگا یوشیهیده‌نین، حکومتین ایلگیلی قوروملارینا، گؤزلنیلمز وضعیتلره حاضیرلاشما تاپشیریغی وئردیگی بیلدیریلدی.

یونهاپ آژانسینین گونئی کره باش قرارگاه باشقانلیغی آچیقلاماسینا دایاندیردیغی خبره گؤره، قوزئی کره "تانیملانابیلمه‌ین" بیر موشکی اؤلکه‌نین دوغو ساحللرینه آتدی.

خبرده، قوزئی کره بو آی ایکینجی دفعه بالیستیک موشک سینادیغی بیلدیریلدی. ۱۵ سپتامبردا آتیلان ایکی بالیستیک موشک، ژاپونون منحصر اقتصادی بؤلگه‌سینه دوشموشدو.