"آوروپا اوردوسو" هلهلیک گوندمده دئییل
آوروپابیرلیگینین اؤز گوونلیگی اوچون باشدا آمریکا اولماق اۆزره آسیلیلیقدان قورتولماق اوچون بیر آوروپا اوردوسو قورماق فیکری بو یاخینلاردا یئنیدن گوندمه گلمیشدی
آوروپا بیرلیگی کمیسیونو، "آوروپا اوردوسو"نون قورولماسینین گوندمده اولمادیغینی، داها چوخ عضولرین حربی پتانسیللرینی گوجلندیرمهیه متمرکز اولدوقلارینی بیلدیردی.
آوروپا کمیسیونو سؤزچولریندن نابیلا ماسرالی، گوندهلیک مطبوعات کنفرانسیندا سون واختلار گوندمه گلن، "آوروپا اوردوسو" قورماق فیکرینی حیاتا گئچیرمک اوچون بیر چالیشما اولوب - اولمادیغی سوالینی جاوابلاندیردی.
سون دارتیشمالاردا آوروپانین داها بۆتونلهشیک و داها ائتکیلی بیر ساوونما سیستمی قورماسی احتیاجینین وورغولادیغینی خاطیرلادان ماسرالی،
"حاضردا آوروپا اوردوسو گوندمده دئییل. المیزدهکی چالیشمامیز، داها چوخ عضو اؤلکهلرین پتانسیلینی گوجلهندیرمک، ساوونما صنایعینی گوجلهندیرمک و اورتاقلاریمیزلا چالیشمالاریمیزی آرتیرماق آماجی داشیییر" دئدی.
ماسرالی، ایل سونوندا لایحهسینین، مارس ۲۰۲۲ده سون حالینین اورتایا چیخماسی گؤزلهنیلن آوروپابیرلیگینین "استراتژیک یؤن تعینی" آدلی سندینده، آوروپانین اؤز گوونلیگی اوچون نئجه مسئولیت آلاجاغینی آراشدیراجاق.
آوروپابیرلیگینین اؤز گوونلیگی اوچون باشدا آمریکا اولماق اۆزره آسیلیلیقدان قورتولماق اوچون بیر آوروپا اوردوسو قورماق فیکری بو یاخینلاردا یئنیدن گوندمه گلمیشدی. اؤزللیکله ناتونون افغانیستاندان چیخماسیندان سونرا اورتایا چیخان تخلیه بحرانی و استرالیانین فرانسا ایله ۵۰ میلیارد یورولوق سوآلتی آنلاشماسینی لغو ائدرک آمریکا و اینگیلتره ایله اتفاق قورماسی بو فیکری یئنیدن گوندمه گتیرن فاکتورلار اولدو.