ایکی گمی توققوشدو؛ ان آز ۲۰ اؤلو وار

پرودا ایکی گمی توققوشماسی نتیجه‌سین‌ده ۲۰ نفر اؤلدو، ان آز۵۰ نفر ایتکین دوشدو.

اؤلکه مطبوعاتین‌دا یئر آلان خبره گؤره، پرونون آمازون بؤلگه‌سین‌ده‌کی اوئایاگا چایین‌دا سرت دومان سببی ایله یولچو گمی‌سی باشقا بیر گمی ایله چارپیشدی.

 قضادا ۲۰ نفر اؤلدو، ۵۰ دن چوخ ایتکین وار.

یئتکیلیلر قضایا اوغرامیش گمیلرده ۸۰ یولچونون اولدوغونو آچیقلادی. آختارما و قورتارما ایشلرینین داوام ائتدیگی بیلدیریلدی.

قضادان سونرا اؤز چابالاری ایله ساحله چیخان یولچولار، گمیلرده ۲۰ اوشاق اولدوغونو سؤیله‌دیلر.