گ7 اؤلکه‌لری "طالبان"لا گله‌جک علاقه‌لره دایر یول خریطه‌سی قبول ائدیب

آوروپا بیرلیگی کمیسیونونون صدری اورزلا فون درلاین گ7 اؤلکه‌لری لیدرلری ایله طالبانی سیاسی اولا‌راق تانیماماقلا باغلی عینی فیکیرده اولدوق‌لارینی سؤیله‌دی.

1697103
گ7 اؤلکه‌لری "طالبان"لا گله‌جک علاقه‌لره دایر یول خریطه‌سی قبول ائدیب

آوروپا بیرلیگی کمیسیونونون صدری اورزلا فون درلاین گ7 اؤلکه‌لری لیدرلری ایله طالبانی سیاسی اولا‌راق تانیماماقلا باغلی عینی فیکیرده اولدوق‌لارینی سؤیله‌دی.

اورزلا فون درلاین و آوروپا بیرلیگی شوراسی‌نین صدری چارلز میشل افغانیستان گوندمی ایله علاقه‌دار اینگیلتره‌نین صدرلیگی ایله ویدئوکنفرانس یولویلا کئچیریلن گ7 ذیروه توپلانتی‌سیندان سونرا اورتاق مطبوعات کنفرانسیندا چیخیش ائدیب‌لر.

آوروپا بیرلیگی کمیسیونونون صدری اورزلا فون در لاین دئییب: "آوروپا بیرلیگی افغانیستان-دا ایشله‌ین‌لری و اونلارین عائله‌لری ده داخیل اولماقلا پرسنلی‌‌نین چوخونو چیخاردیغیندان بؤیوک ممنونلوق دویورام.

گ7 اؤلکه‌لری اولا‌راق افغانیستان خالقینی مومکون اولان ان یوکسک سویه‌ده دستکله‌مکده قرارلیییق. 3 میلیون 700 مین نفر یئریندن-یوردون‌دان ائدیلیب. بون‌لارین بؤیوک اکثریتی قادین و اوشاق‌لاردیر.

اینسانی یاردیم مسئله‌سی حاکمیتی تانیما مسئله‌سیندن آیری‌دیر.

گ7 اؤلکه‌لری طالبانی سیاسی اولا‌راق تانیماما ایله باغلی فیکیر بیرلیگی ایچینده‌دیر.

اینکیشاف اوچون یاردیم‌لار حال-حاضیردا دوندورولوب و گله‌جکده ده تمل دگرلر و اینسان حاق‌لارینا رعایت شرطینه باغلی اولا‌جاق".

آوروپا بیرلیگی شوراسی‌نین صدری چارلز میشل ایسه اؤز نؤوبه‌سینده‌کی چیخیشیندا بون‌لاری سؤیله‌ییب: "آوروپا بیرلیگی اوچون اونلارا چالیشان افغانیستان‌لی‌لار و عائله‌لرینی اؤلکه‌دن اعتبارلی چیخارماق اساس اونجه لیدیر.

افغانیستان‌لی‌لارا هاوالیمانی و ترانزیت کئچیدلرده راحت‌لیق تامین ائدیلمه‌لی‌دیر.

اؤلکه‌لرین‌دن آیریلماق مجبوریتینده قالان افغانیستان‌لی‌لارین تهلوکه‌سیزلیگی و اویغون شرط‌لرده یاشاما‌لارینی تامین ائتمک اوچون اوزریمیزه دوشنی ائدجییک".



ایلگیلی‌لی خبرلر