ژاپونیادا سئل و تورپاق سوروشمه‌سی: 8 نفر حیاتینی ایتیریب

ژاپونیا-دا گوجلو یاغیش‌لارین سبب اولدوغو سئل و تورپاق سوروشمه‌لرینده حیاتینی ایتیرن‌لرین سایی 8-ا یوکسلیب.

ژاپونیا اجتماعی یاییم اورقانی NHK بو باره‌ده معلومات یاییب. بیلدیریب کی، مؤوسومی تایفون‌لاردان سونرا یاغان لئیسان یاغیش‌لاری بیر چوخ ایالتده داغینتی‌لارا سبب اولوب.

کیودو آژانسی دا یئرلی حاکمیت اورقان‌لارینا اساسلاندیردیغی خبرینده اؤلکه‌نین موختلیف ایالت‌لرینده طبیعی فلاکت نتیجه‌سینده حیاتینی ایتیرن‌لرین سایی‌نین 8-ا چاتدیغینی بیلدیریب.

متورولوژی آژانسینا (JMA) گؤره سحر ساعات‌لاریندا باش وئرن 4.2 شدتینده زلز‌له تورپاق سوروشمه‌لری‌نین آرتماسیندا تأثیرلی اولوب.

آژانس یاغیش‌لارین کوماموتو ، کاگوشیما ، احیمه ، هیروشیما ، اوکایاما ، توکوشیما ، آیچی ، گیفو ، شیزوکا ، یاماناشی و ناگانو بؤلگه‌لرینده داوام ائدجگینی آچیقلارکن، تورپاق آلت یاپی، نقلیات و توریزم ناظیرلیگی ده 17 ایالتده 62 سوروشمه و 9 ایالتده 36 داشقین باش وئردیگینی بیلدیریب.