تورکیه نیجریه-ده توره دیلن ترور هوجومونو قیناییب

تورکیه، نیجریه-ده حج زیارتیندن قایی‌دان زووار کاروانینا تشکیل ائدیلن هوجومو قیناییب.

خاریجی ایشلر ناظیرلیگیندن یاییلان آچیقلامادا: "14 آوقوستدا نیجریه-نین پلاتوی ایالتینده حج زیارتیندن قایی‌دان زووارلارین اولدوغو کاروانا تشکیل ائدیلن هوجومدا اونلارلا اینسانین حیاتینی ایتیرمه‌سی و چوخ سایدا آدامین یارالانماسیندان درین کدر دویدوق. بو خاین ترور آکتینی شدتله قیناییر، حیاتینی ایتیرن‌لره الله‌دان رحمت، عائله‌لرینه، دوست و قارداش اؤلکه خالقینا و حکومتینه باش ساغلیغی وئریریک. یارا‌لی‌لارا تزلیکله شفا دیلییریک"،

خاطیرلاداق کی، آوقوستون 14-ده نیجریه-نین پلاتوی ایالتینده یولجو اتوبوسونا سلاح‌لی هوجوم نتیجه‌سینده 22 نفر حیاتینی ایتیریب، 14 نفر یارالانیب.