کانادا بوتون اؤلکهلره سرحد قاپیلارینی آچیر
کانادادا سرحد محدودلاشدیرمالارینا 9 آوقوستدان اعتباراً پیلهلی شکیلده سون قویولور.
کانادا-دا یئنی تیپ کوروناویروس (کووید-19) اپیدمیسی ایله علاقهدار 2020-جی ایلین 20 مارسیندان تطبیق اولونان سرحد محدودلاشدیرمالارینا 9 آوقوستدان اعتباراً پیلهلی شکیلده سون قویولور.
کانادا سرحد تهلوکهسیزلیگی آژانسی ایله خالق ساغلیغی آژانسی طرفیندن وئریلن اورتاق شرحده بیلدیریلیر: "سرحد محدودلاشدیرمالاری امریکا وطنداشلاری اوچون 9 آوقوستدان، دیگر اؤلکه وطنداشلاری اوچونسه 7 سپتامبردان کانادا فدرال ساغلیق ناظیرلیگی طرفیندن تصدیقلنن "کووید-19" آشی لاری دوزونون ایکیسینی آلیب سندلشدیرنلر اوچون قالدیریلیر.
خاریجی وطنداشلارین تام آشیلی ساییلماسی اوچون کانادایا گئتمزدن 14 گون اول "کووید-19" آشیسینین بوتون دوزلارینی ووردورمالاری لازیمدیر.
کانادایا امریکادان گلهجک امریکا وطنداشلاری و یاشیل کارت صاحیبلری اؤلکهیه چاتدیقدان 72 ساعات اول "ArriveCAN" تطبیقی ایله آشی سندلری و سیاحت معلوماتلارینی گؤندرمهلیدیر.
امریکادان گلنلر اوچون بوندان اول شرط قویولان 3 گون هتل قرنطینهسی ایله سونراکی 14 گونلوک ائو قرنطینهسی قالدیریلیب. اؤلکهیه گیرنلر 72 ساعات عرضینده "کووید-19" مولکولر تستی تقدیم ائتمهلیدیر
کانادا-دا سرحد محدودلاشدیرمالاری 9 آوقوستدان امریکا، 7 سپتامبردان بو شرطلرله بوتون اؤلکهلردن گلن یولجولارا شامل اولوناجاق.
ایلگیلیلی خبرلر
اونروا غزه زولاغینین قوزئیینه اینسانی یاردیم گؤتوروب
اونروا آتیشکسین غزه خالقینین حیاتینی خیلاص ائتمک اوچون یگانه اومید اولدوغونو وورغولاییب