ادعا: تک قطبلو دونیا دۆزنی آرتیق دییشمه‌یه باشلادی

آمریکانین ائتکین اولدوغو بیر قطبلو دونیا دۆزنینین آرتیق دییشمه‌یه باشلادیغی ادعا ائدیلد‌ی.

آمریکا اولوسلارآراسی ایلیشکیلر درگیسی نشنال اینترست‌ده یاییملانان بیر مقاله‌ده، سویوق محاربه دؤورون‌دن سونرا آمریکانین رهبرلیگی آلتین‌دا بیر قطبلو دونیا دۆزنینین دییشمه‌یه باشلادیغی وورغولاندی.

آمریکانین افغانستان و عراقا سالدیریلارین‌دا غالیب گله‌بیلمه‌یه‌جگینه دقت چکن مقاله‌ده واشینگتونون اورتادوغودا، اؤزللیکله سوریه، یمن و لیبیده‌کی بحرانلارین حلی قونوسوندا گیریشیمی آنکارا، موسکوا و تهرانا بوراخدیغی وورغولاندی.

بو فاکتورلارا علاوه اولاراق، چینین دونیادا یوکسلیشینه اولونماماسی و آمریکانین دوشمنلری ایله اوغورسوز یاخینلاشما گیریشیملری آمریکانین اسکی گوجونو ایتیردیگینین دلیللری اولاراق گؤستریلدی.

مقاله‌ده،  تک قطبلو دونیا نظامی سونراسی نئجه بیر دۆزنین گله‌جگی ده آراشدیریلدی. بونا گؤره آمریکا، چین و روسیانین باشینی چکدیگی چوخ قطبلو و یا بایکی قطبلو چئشیدلی سیستملر گوندمده‌دیر. آرالارین‌دا رقابت حالیندا اولان سیستملردن هانسینین اگمن اولابیله‌جگینین ایسه اون ایللر داوام ائده‌بیله‌جک بیر چکیشمه‌دن سونرا بللی اولابیله‌جگی بیلدیریلیر.