آمریکا: ایرانا اورتاق بیر قارشیلیق وئریله‌جک

آنتونی بلینکن، ایرانین اوزون مدتدیر بیر سیرا ائیلملر ائتدیگینی و مسئولیت‌سیز داورانماغا داوام ائتدیگینی سؤیله‌دی

1684691
آمریکا: ایرانا اورتاق بیر قارشیلیق وئریله‌جک

آمریکا، هیند اقیانوسون‌دا اسرائیل شیرکتینه عاید نقلیات گمی‌سینه ائدیله‌ن سالدیری ندنی ایله ایرانا اورتاق جاواب وئریله‌جگینی آچیقلادی.

آمریکا دیش ایشلری باخانی آنتونی بلینکن مطبوعات توپلانتیسین‌دا ایرانین اوزون مدتدیر دنیز داشیماچیلیغی دا داخیل اولماقلا بیر سیرا ائیلملر ائتدیگینی و مسئولیت‌سیز داورانماغا داوام ائتدیگینی سؤیله‌دی.

هیند اقیانوسون‌داکی سالدیریدان سونرا آمریکانین بؤلگه‌ده‌کی اورتاقلاری ایله ایش بیرلیگی ایچینده اولدوغونو و بؤلگه حکومتلری ایله مصلحت‌لشدیگینی وورغولایان بلینکن، "اینگیلتره، اسرائیل، رومانی و دیگر اؤلکه‌لرله چوخ یاخین تماسداییق و (ایرانا) اورتاق بیر قارشیلیق وئریله‌جک" دئیه دانیشدی.

تانزانیادان بیرلشمیش عرب امیرلیکلرینه گئدرکه‌ن ۳۰ جولایدا هیند اقیانوسوندا سالدیرییا اوغرایان بیر اسرائیل داشیماچیلیق شیرکتینه عاید گمیده‌کی خدمه‌دن ایکیسینین یاشامینی ایتیردیگی بیلدیریلمیشدی.

اسرائیلین خاریجی ایشلر باخانی یائیر لاپید گمینین سالدیرییا اوغراماسیندان دولایی، دونیایا ایرانی "دوردورما" چاغریسی ائتمیشدی.

ایران سالدیریدا الی اولدوغو ادعالارینی یالانلامیشدی.



ایلگیلی‌لی خبرلر