آوروپا بیرلیگی کوروناویروس انفکسیونونا قارشی آشی لامادا هدفینه یاخینلاشیب

بو معلومات‌لار آوروپا خسته‌لیک‌لرین اؤنلنمه‌سی و ایداره ائتمه‌سی مرکزی‌نین رسمی سایتیندا یئرلشدیریلیب.

1681192
آوروپا بیرلیگی کوروناویروس انفکسیونونا قارشی آشی لامادا هدفینه یاخینلاشیب

کوروناویروس انفکسیونونا قارشی ایکی دوز آشی ایله آشی‌لانان آوروپا بیرلیگی اؤلکه‌لری ساکین‌لری‌نین سایی 187،7 میلیونا چاتیر کی، بو دا یئتکین اها‌لی‌نین (18 یاش‌دان یوخاری) 51،3%-نی تشکیل ائدیر.

بو معلومات‌لار آوروپا خسته‌لیک‌لرین اؤنلنمه‌سی و ایداره ائتمه‌سی مرکزی‌نین رسمی سایتیندا یئرلشدیریلیب.

"کووید-19"-ا قارشی تام آشی‌لانان ساکین‌لرین پایی باخیمیندان آوروپا بیرلیگی اؤلکه‌لری آراسیندا بیرینجی یئری مالتا توتور: آدا اؤلکه‌سی‌نین اراضی‌سینده یاشایان اینسان‌لارین 83،6% ایکی دوز آشی قبول ائدیب. ایلک اوچلوکده همچنین ماجاریستان (65،1%) و ایرلاندیا (64،8%) دا وار. عینی زاماندا آوروپا بیرلیگینه عضو اولمایان آوروپا اؤلکه‌لری آراسیندا لیدر ایسلاندیا‌دیر (82,6%).

آوروپا بیرلیگی اؤلکه‌لری‌نین 246،3 میلیون ساکینی و یا یئتکین اها‌لی‌سی‌نین 67،3%-ی بیر دوز آشی قبول ائدیب. بو باخیمدان لیدرلر بلژیک (84،6%)، مالتا (83،1%) و هولاندیادیر (82,9%) .

ان آشاغی آشی لاما نیسبت‌لری ایسه بولقاریستان‌دان سونرا 31،1 فایز ایله رومینیادا، 44 فایز ایله لتونیا-دا، 47 فایزله کرواسی-ده، 47،2 فایز ایله سلوواکیا-دا و 49،7  فایزله سلوونیا-دا قئیده آلینیب.

آوروپا بیرلیگی اؤلکه‌لرینده 2021-جی ایلین ایلک گون‌لرینده باشلایان آشیلاما‌لار ایلک آیلاردا یاواش ایرلیلدیگی اوچون آوروپا بیرلیگی رهبرلیگی تنقیدلره معروض قالمیشدی.

رهبرلیک "آسترازنکا"نین آشی تداروکونده یاشانان پروبلئم‌لر سببیندن علاوه آشی لار آلماق اوچون "بیون تک-فایزر" ایله راضیلاشمیشدی.

آوریل آیی‌نین سونوندا یئتکین اها‌لی‌نین 70 فایزی‌نین آشی اولوناجاغی هدفینی اعلان ائدن آوروپا بیرلیگی رهبرلیگی جولای آیی‌نین اولینده عضو اؤلکه‌لره کیفایت قدر آشی پایلامیشدی.

آوروپا داوا آژانسی (EMA) بو گونه قدر آوروپا بیرلیگی اؤلکه‌لرینده "بیون تک-فایزر"، "مدرنا"، "آسترازنکا" و "جانسون و جانسون" شیرکت‌لری‌نین اوره تدیگی آشی لارین ایستیفاده‌سینه ایجازه وئریر.

آوروپا داوا آژانسی (EMA)، "سینوواک"، " کورهواک"، " نواواکس"، "اسپوتنیک وی" و "سانوفی پاستور"ون آشی لارینین ایلکین دیرلندیریلمه‌سی داوام ائدیر.



ایلگیلی‌لی خبرلر