کانادا، ۴۰۱ مین یئنی کؤچمن آلاجاق

"هر شئیه باخمایاراق، کانادا کؤچمنلیک قونوسون‌دا دونیایا لیدئرلیک ائتمه‌یه داوام ائدیر"

1680379
کانادا، ۴۰۱ مین یئنی کؤچمن آلاجاق

کانادا، بو ایلین سونونا قدر توپلام ۴۰۱ مین یئنی کؤچمن قبول ائده‌‌جک.

کانادا وطنداش‌لیق و کؤچمنلیک باخانی مارکو مندیسینو وئردیگی آچیقلامادا،

"هر شئیه باخمایاراق، کانادا کؤچمنلیک قونوسون‌دا دونیایا لیدئرلیک ائتمه‌یه داوام ائدیر. بو ایل ۴۰۱ مین یئنی دائمی ساکینی قبول ائتمه تعهدوموزو یئرینه یئتیره‌جییک. ایشلر دوغرو ایستیقامتده ایرلیله‌ییر" ایفاده‌سینی ایشلتدی.

بو گونه قدر بیر ایلده قبول ائدیله‌جک ان چوخ کؤچمن ساییسی اولان ۴۰۱ مین نفر آراسین‌دا، اؤلکه دیشین‌دان ائدیله‌ن مراجعتلرین یانین‌دا اویغون شرطلرده‌کی خاریجی اؤیرنجیلر، گئچیجی خاریجی ایشچیلر و حاضردا کانادادا اولان سیغینماچیلار ایشتیراک ائدیر.

بو آرادا کانادا کؤچمنلیک دایره‌سی، ژوئنده، بیر آیدا ایندییه قدرکی ان یوکسک سایی اولان ۴۵ مین ۱۰۰ کؤچمنلیک مراجعتینی دگرلندیردی. دایره، بو مراجعتلردن ۳۵ مین ۶۰۰ونه اؤلکه‌ده دائمی اوتورما اجازه‌سی وئردی.

کانادا کؤچمنلیک دایره‌سی معلوماتلارینا گؤره، اؤلکه‌یه ان چوخ کؤچمنین قبول ائدیلدیگی ایل، ۴۰۰ مین ۸۱۰ ایله ۱۹۱۳ ایلی اولدو.

یئنی نسیل کوروناویروس سالقینی سونراسی آرتان ایش-گوجو احتیاجینی قارشیلاما هدفین‌ده اولان کانادا حکومتی، سؤز قونوسو آچیغی قاپادماق اوچون ۲۰۲۲ده ۴۱۱ مین و ۲۰۲۳ده ده ۴۲۱ مین یئنی کؤچمن آلماغی هدفله‌ییر.



ایلگیلی‌لی خبرلر