سوریه موخالیفتی ماکرونا رئاکسیا وئردی

سوریه موخالیفتی امانوئل ماکرونون بؤلوجو ترور تشکیلاتی پ.کا.کا-نین سوریه-ده‌کی داوامی اولان پ.ی.د/ی.پ.گ-نین رهبرلیک ائتدیگی "سوریه دموکراتیک شوراسی" عضو‌لری ایله گؤروشمه‌سینه رئاکسیا گؤستریب.

1678313
سوریه موخالیفتی ماکرونا رئاکسیا وئردی

سوریه موخالیفت و اینقیلابچی قوه‌لر میللی کوالیسیونو (SMDK) فرانسا پرزیدنتی امانوئل ماکرونون بؤلوجو ترور تشکیلاتی پ.کا.کا-نین سوریه-ده‌کی داوامی اولان پ.ی.د/ی.پ.گ-نین رهبرلیک ائتدیگی "سوریه دموکراتیک شوراسی" عضو‌لری ایله گؤروشمه‌سینه رئاکسیا گؤستریب.

سوریه موخالیفتی‌نین اساس تشکیلاتی SMDK ترور تشکیلاتی پ.کا.کا-نین سوریه-ده‌کی داوامی اولان پ.ی.د/ی.پ.گ رهبرلیگی آلتینداکی قوندارما "سوریه دموکراتیک شوراسی"نین فرانسادا پرزیدنت ماکرونلا گؤروشونه دایر یازیلی بیر بیانات یاییب.

ترور تشکیلاتی پ.ی.د/ پ.ی.گ-نین پ.کا.کا ایله عضوی علاقه‌لری اولدوغونا دقت چکیلن بیاناتدا بون‌لار قئید ائدیلیب:

"فرانسا پرزیدنتی‌نین ترورچو پ.ی.د میلیس هئیتی ایله گؤروشو کدرلی و ناراحات دوغوران حال‌دیر. پ.ی.د ایله علاقه ساخلاماق اوچون یول آچماق ترور تشکیلاتی پ.کا.کا ایله بیرباشا علاقه‌نین اعلان ائدیلمه‌سی‌دیر. بو میلیس‌لر سوریه خالقینا قارشی تحجیر، دموگرافیک قورولوشو دییشدیرمه و موختلیف جینایت‌لر ایشلمیش‌دیر. سوریه خالقینا اؤزلرینی زورلا قبول ائتدیرن بو میلیس‌لری تانیماق سوریه-نین اراضی بوتؤو‌لوگونو پوزماق‌دیر".



ایلگیلی‌لی خبرلر