آنتی‌ویروس پروقرامچی‌سی جان مک‌آفی حبس‌خانادا اؤلو تاپیلدی
اسپانیا محکمه‌سی طرفین‌دن آمریکا بیرلشمیش دؤولتلرینه قایتاریلماسی اوچون قرار چیخاریلان آنتی‌ویروس یازیلیمچی‌سی جان مک‌آفینین حجره‌سین‌ده اؤلدوگو آچیقلاندی
آنتی‌ویروس پروقرامچی‌سی جان مک‌آفی بارسلونادا حبس‌خاناداکی حجره‌سین‌ده اؤلو تاپیلدی.
حبس‌خانا مسئوللاری، جان مک‌آفینین اؤزونو اؤلدورموش اولابیله‌جگی احتیمالی اوزرین‌ده دورور.
حاقین‌داکی وئرگیدن قاچما سوچلاماسین‌دان ۳ اکتبر ۲۰۲۰ده بارسلونادا توتولاراق حبس‌خانایا گؤندریلن و اسپانیا محکمه‌سی طرفین‌دن آمریکا بیرلشمیش دؤولتلرینه قایتاریلماسی اوچون قرار چیخاریلان آنتی‌ویروس یازیلیمچی‌سی جان مک‌آفینین حجره‌سین‌ده اؤلدوگو آچیقلاندی.
اسپانیا رسمی خبر آژانسی افه‌نین بارسلوناداکی بریانس ۲ حبس‌خانا یؤنتیمی قایناقلارینا دایاندیردیغی خبرده، ۷۵ یاشین‌داکی جان مک‌آفینین حجره‌سین‌ده اؤلو تاپیلدیغی بیلدیریلدی.
سلاهیت‌لیلر، مک‌آفینی تاپان گوونلیک گؤره‌ولیلرینین و حبس‌خانا دکترلارینین درحال مداخله ائتدیکلرینی آنجاق فایدالی اولمادیغینی سؤیله‌دی.
مک‌آفینین اؤلوم سببی هله رسمی اولاراق آچیقلانماسا دا انتحار احتیمالی اوزرین‌ده دورولدوغو بیلگیسی پایلاشیلدی.
اسپانیادا ملی محکمه‌نین تاپشیریغییلا ۴ اکتبر ۲۰۲۰دن بو یانا بریانس ۲ حبس‌خانایا آپاریلان جان مک‌آفی، ۳ اکتبردا بارسلونادان ایستانبولا گئتمک اوزریکه‌ن ال پرات هاوالیمانین‌دا توتولموشدو.
آمریکادا ۲۰۱۶-۲۰۱۸ دؤنمین‌ده ۴ میلیون دلاردان چوخ وئرگی قاچیرماقلا سوچلانان ۷۵ یاشین‌داکی مک‌آفینین، کریپتو پول ساتیشلارین‌دا یانیلدیجی توصیه‌لر وئردیگی، ۲۳ میلیون دلاردان چوخ پول قازاندیغی ایر‌لی سورولوردو.
"میلیونلارجا دلار وئرگی اؤده‌دیگینی آنجاق وئرگی اداره‌سین‌ده‌کی سوءاستفاده ایله باغلی شیکایت ائتدیگی اوچون سیاسی باسقینین قوربانی اولدوغونو" ایر‌لی سوره‌ن مک‌آفینین آمریکادا سوچلو گؤرولمه‌سی حالین‌دا ماکسیموم ۶ ایل حبس جزاسی آلاجاغی ادعا ائدیلیردی.
