کاناداداکی سالدیرییا تپکیلر بؤیویور
"بو نیفرت ائیلمی ایله تروریزه ائدیله‌نلرین سئودیکلری اوچون بوراداییق"
کانادانین لندن شهرین‌ده مسلمان بیر عائله‌نین اوزرلرینه ماشین سوره‌‌رک اؤلدورولمه‌سینه تپکیلر گئده‌رک بؤیویور.
باشدا کانادا باشباخانی جاستین ترودو اولماق اوزره اؤلکه‌نین اؤنده گلن سیاستچیلری، حادثه‌نی قینایان آچیقلامالار یاییملادی.
ترودو، سالدیرینین اؤلکه گوند‌مینه اوتورماسینین آردین‌دان سوسیال مئدیا حسابلارین‌دان ائتدیگی پایلاشیمدا، خبری ائشیتدیین‌ده دهشته دوشدویونو ایفاده ائد‌رک،
"بو نیفرت ائیلمی ایله تروریزه ائدیله‌نلرین سئودیکلری اوچون بوراداییق. یارالی اولاراق خسته‌خانایا قالدیریلان اوشاق اوچون ده بوراداییق. اورییمیز سیزینله و ساغالیرکن عاغلیمیزدا اولاجاقسینیز. لندن‌ده‌کی مسلمان جماعتی و اؤلکه‌نین دؤرد بیر طرفین‌ده‌کی مسلمانلار، یانینیزدا اولدوغوموزو بیلین. ایسلاموفوبیانین جمعیتیمیزده یئری یوخدور. بو نیفرت آلچاقجادیر و دورماسی لازیم‌دیر'' دئدی.
آنا مخالفت‌ده‌کی محافظه‌کار پارتینین لیدئری ارین اوتول دا حادثه‌نی ترور سالدیریسی اولاراق تانیملادی.
کانادانین اونتاریو ایالتینه باغلی لندن شهرین‌ده، ۶ ژوئنده آراجینی یولدان گئچن انسانلارین اوزرینه سوره‌ن ناتانیال ولتمان (۲۰)، بیری ۱۵ یاشین‌دا قیز اوشاغی اولماق اوزره عینی عائله‌دن ۴ نفرین اؤلومونه و ۹ یاشین‌داکی بیر اوغلانینین دا آغیر یارالانماسینا سبب اولموشدو.
ولتمان حادثه‌نین گرچکلشدیگی یئردن تخمیناً ۶ کیلومتر اوزاق‌دا یاخالاناراق گؤزآلتینا آلینمیشدی.
