تورکیه ایله مصر آراسین‌داکی دیالوگ سئوینجله قارشیلاندی

آوروپا بیرلیگی شوراسی باشقانی شارل میشل، تورکیه ایله مصر آراسین‌داکی دیالوگو سئوینجله قارشیلادیغینی بیلدیردی.

آوروپا بیرلیگی شوراسین‌دان وئریله‌ن آچیقلامایا گؤره، میشل، مصر جمهورباشقانی عبدالفتاح السیسی ایله تلفن‌دا دانیشدی.

ایکی‌لی ایلیشکی‌لر و بؤلگه‌سل مسئله‌لرین اله آلیندیغی تلفن دانیشیغیندا دوغو آغ دنیزده گوونلیک و ثابت‌لیک قونوسونون دا اله آلیندیغی ایفاده ائدیلدی.

آچیقلامادا،

"آوروپا بیرلیگی شوراسی باشقانی میشل، دوغو آغ دنیزیده استقرارلی و گوونلی بیر اتموسفر اولماسین‌دا آوروپا بیرلیگینین چیخاری اولدوغونو وورغولامیش، مصر ایله تورکیه آراسین‌داکی مؤوجود دیالوگو ممنونیتله قارشیلامیشدیر" ایفاده‌سی یئر آلدی.

میشل و السیسینین آیریجا اورتا دوغو باریش سوره‌جینی اله آلدیغی، میشلین اسرائیل و حماس آراسین‌دا تامین ائدیله‌ن آتیش‌کس‌ده‌کی چابالاری اوچون مصره تشکر ائتدیگی قید ائدیلدی.