دونیا ساغلیق تشکیلاتی خبرداریق ائدیب

دونیا ساغلیق تشکیلاتی‌نین باش دیرکتورو تدروس ادهانوم، دونیادا 25-59 یاش آرالیغینداکی اینسان‌لاردا یئنی نوع کوروناویروسا (کووید-19) یولوخما و خسته‌خانایا یئرلشدیریلمه سایی‌نین ناراحات ائدیجی سویه‌ده آرتماسی ایله باغلی خبردارلیق ائدیب.

تدروس ادهانوم تشکیلاتین سوئیس-ین ژنو شهرینده‌کی مرکزینده ویدئوکنفرانس فورماتیندا تشکیل ائدیلن مطبوعات کنفرانسیندا، "کئچن هفته آردیجیل سککیزینجی هفته‌دیر کی، یئنی نوع کوروناویروسا یولوخما آرتیب و 5،2 میلیوندان چوخ یئنی یولوخما قئیده آلینیب. بو ایندییه‌دک بیر هفته‌ده قئیده آلینان ان یوکسک گؤستریجی ایدی" دئیه بیلدیریب.

دونیادا آرد-آردا 5-جی هفته‌دیر "کووید-19"دان اؤلن‌لرین سایی‌نین یوکسلدیگینی دقته چات‌دیران تدروس ادهانوم قلوبال میقیاسدا 25-59 یاش آرالیغینداکی اینسان‌لاردا یئنی نوع کوروناویروسا (کووید-19) یولوخما و خسته‌خانایا یئرلشدیریلمه سایی‌نین ناراحات ائدیجی سویه‌ده آرتماسی ایله باغلی خبردارلیق ائده‌رک، بونا مومکون سبب کیمی یئنی واریانت‌لار و یئنی‌یئتمه‌لر آراسیندا آرتان "سوسیال بیرلشمنی" گؤستریب.

آشی لاما مسئله‌سینه ده توخونان ادهانوم ایندییه قدر دونیادا 832 میلیون دوز "کووید-19" آشی‌سی‌نین تطبیق ائدیلدیگینی بیل‌دیره‌رک، "آنجاق بون‌لارین 82 فایزدن چوخو یوکسک و یا اورتا-یوکسک گلیرلی اؤلکه‌لره گئتدیگی حالدا، آشاغی گلیرلی اؤلکه‌لر یالنیز 0،2 فایز جواریندا آشی الده ائدیب" دئیه وورغولاییب.