ترامپ، بایدنین قرارینی دستکله‌دی
ترامپ، ۱۱ سپتامبر گونونون ایسه آمریکا تاریخی اوچون معکوس بیر یاس گونو اولدوغونو و او شکیل‌ده قالماسی لازیم اولدوغونو ایفاده ائتدی
آمریکانین اسکی باشقانی دونالد ترامپ، جو بایدن رهبرلیگینین آمریکا عسگرلرینی افغانیستان‌دان چکمه قرارینی "چوخ یاخشی و مثبت" بیر قرار اولاراق گرردوگونو ایفاده ائتدی.
ترامپ، آمریکا عسگرلرینین افغانیستان‌دان چکیلمه‌سی ایله باغلی وئردیگی یازی‌لی آچیقلامادا،
"افغانیستان‌دان چیخماق چوخ یاخشی و مثبت بیر ایش. من چکیلمه‌نی ۱ می اوچون پلانلامیشدیم، بونو بو تاریخه اولا بیلدیکجه یاخین شکیل‌ده گرچکشدیرمه‌لیییک" دئیه بیلدیردی.
ترامپ، گئری چکیلمه اوچون تعیین اولونان ۱۱ سپتامبر گونونون ایسه آمریکا تاریخی اوچون معکوس بیر یاس گونو اولدوغونو و او شکیل‌ده قالماسی لازیم اولدوغونو ایفاده ائتدی.
ترامپ، فوریه ۲۰۲۰ده طالبان ایله ائتدیگی آنلاشمادا معین شرطلر قارشیلیغین‌دا آمریکا عسگرلرینین افغانیستان‌دان ۱ می ۲۰۲۱یه قدر چکیله‌جگینی تعهد ائتمیشدی.
۲۰ ژانویه‌ده وظیفه‌یه گلن بایدن، ساییلاری ۲ مین ۵۰۰ دولایین‌دا اولان عسگرلرین چکیلمه‌سی تقویمینین ۱ می‌ده باشلاییب ۱۱ سپتامبر (۲۰۲۱) قدر تاماملاناجاغینی آچیقلامیشدی.
آمریکا کنگره‌سین‌ده دموکراتلار عمومیتله بایدنین چکیلمه پلانینا دستک وئررکه‌ن، جمهوریتیلرین بؤیوک بؤلومو "آمریکانین افغانیستانی بوشلوق‌دا بوراخدیغینی" و "اورادا یئنی‌دن ترور عنصورلارینین چوخالاجاغینی" ادعا ائدیر.
