چاد جمهوریتینده ائتنیک قارشیدورمالار: 100 نفر اؤلوب
چاد جمهوریتینده قارشیدورما‌لاردا اؤلن‌لرین سایی آرتیب.
1624168
سالامات بؤلگه‌سینده‌کی سیهپ و امباریت کندلرینده کئچن هفته عرب‌لر، داگال و کیبت ائتنیک قروپ‌لار آراسیندا باشلایان قارشیدورمالار داوام ائدیر. بیر هفته عرضینده 100 نفر قارشیدورما‌لارین قوربانی اولوب.
اؤلکه‌ده‌کی اینسان حاق‌لاری اوزره میللی کمیسیون حکومتی سالامات بؤلگه‌سینده عاجیل وضعیت اعلان ائتمه‌یه چاغیریب و خالقین ترک سیلاح ائتدیریلمه‌سی‌نین اهمیتینی وورغولاییب.
سالامات والیسی ژنرال یامبای ماسیرا عبدل کئچن هفته توققوشما‌لار زامانی بیر نئچه ائوین یاندیریلدیغی، حادثه‌لرین قارشی‌سینی آلماق و جینایتکارلاری توتماق اوچون اراضییه تهلوکه‌سیزلیک قوه‌لری‌نین جلب اولوندوغو معلوماتینی یایمیشدی.
