ایران گونئی کره-نین تانکرینی سربست بوراخیب

ایران 4 ژانویه‌ده گمی‌نین کؤرفز سولارینی چیرکلندیرمه‌سی سببیله گونئئ کره بایراق‌لی نفت تانکرینین سربست بوراخیلدیغینی بیلدیریب.

ایران خاریجی ایشلر ناظیرلیگی‌نین سؤزچوسو سید خطیب زاده رسمی سئول و گمی صاحبی‌نین ایستیی ایله ایران محکمه‌سی‌نین گونئی کره بایراق‌لی نفت تانکرینین سربست بوراخیلماسینا قرار وئردیگینی سؤیله‌ییب.

خطیب زاده کاپیتان و گمی‌نین "بؤلگه‌ده‌کی پوزونتولار مؤوضوع سوندا پیس بیر تاریخه صاحیب اولماسی‌نین" ایران محکمه‌سی‌نین مثبت قرار وئرمه‌سینی آسانلاشدیردیغینی وورغولاییب.

خاطیرلاداق کی، ایران حاکمیتی بیرلشمیش عرب امیرلیک‌لرینه دوغرو حرکت ائدن نفت تانکرینی اؤزونون سو اراضی‌سینده ساخلاییب.

بیلدیریلیب کی، سعودی عربیستانیندان بیرلشمیش عرب امیرلیگینه دوغرو حرکت ائدن گونئی کره بایراغی آلتیندا اوزن "هانکوک چمی" تانکری هرمز بوغازیندا، بندر عباس لیمانیندا، ایران اراضی‌سینده ساخلانیلیب.

تانکرین ساخلانیلماسینا سبب اولا‌راق گمی‌نین کؤرفز سولارینی چیرکلندیرمه‌سی گؤستریلیب.